Рэдкая з'ява — курс валют у абменніках адрозніваецца ад Нацбанка амаль на 5%
Звычайна курс продажу вышэйшы за нацбанкаўскі. А цяпер і курс куплі скочыў вышэй за арыенцір.
Курсавая анамалія
Звычайна набыць або здаць даляры ці еўра ў абменніку можна па курсе, вельмі блізкім да таго, што ўстанавіў Нацбанк.
Так было і месяц таму, калі пры курсе Нацбанка ў 2,82 за даляр, здаць яго максімум можна было за 2,83 рубля, а набыць мінімум за 2,84 рубля.
Але ўжо з сярэдзіны мая сітуацыя пачала змяняцца. Валюта ў абменніках стала даражэйшай, чым па Нацбанку. Бліжэй да канца месяца розніца павялічылася.
Так, 29 мая пры курсе Нацбанка 2,76, найтанней набыць даляр можна за 2,884 рубля, а здаць па 2,872. То-бок розніца з Нацбанкам цяпер складае каля 4-4,5%.
Што гэта для людзей і бізнэсу?
У некаторых выпадках падобная курсавая розніца прыносіць выгаду як дробнаму бізнэсу, які мяняе валюту ў абменніку, а не праз біржу, так і шэраговым грамадзянам. Напрыклад, калі размова ідзе пра аплату мыта, якое разлічваецца ў еўра.
Тыя ж аўтамабілі размытніваюцца па стаўцы, якая зафіксавана ў еўра, але плаціць трэба беларускімі рублямі менавіта па курсе Нацбанка.
Напрыклад, калі размытніваць папулярную для прыгону машыну, старэйшую за 5 гадоў, з аб'ёмам 1,6 літра на льготніка, то мыта складзе 2800 еўра, што роўна 8973 рубля па Нацбанку.
Але калі пералічыць па максімальным курсе, за якой можна здаць еўра, то атрымаецца, што ў абменнік трэба несці не 2800 еўра, а 2657 еўра. Эканомія ў 143 еўра атрымліваецца акурат за кошт курсавой розніцы.
Пры гэтым падобная курсавая розніца часам вядзе да блытаніны, напрыклад, калі цана за тавар ці паслугу ў дамове пазначана са зноскай на курс па Нацбанку на дзень аплаты.
Пакупнік, які будзе здаваць валюту для аплаты, будзе ў выйгрышы, а прадавец паслугі — наадварот.
Пра што можа сведчыць такая тэндэнцыя?
Перш за ўсё, гэта сведчыць пра тое, што банкі могуць не давяраць афіцыйнаму курсу, які ўстанаўлівае Нацбанк па выніках таргоў на фоне ўмацавання расійскага, а за ім і беларускага рубля.
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам1
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары