Найлепшым тэлерэпарцёрам Беларусі назвалі Вікторыю Сянкевіч — за ўключэнні з Аляскі
29 мая ў Мінску ўручылі ўзнагароды ХVІ Нацыянальнага тэлевізійнага конкурсу «Тэлевяршыня». Імі традыцыйна штогод намінуюцца дзяржаўныя прапагандысты.
Сёлета пераможцай у намінацыі «Найлепшы рэпарцёр» стала намесніца галоўнага дырэктара Галоўнай дырэкцыі тэлеканала «Першы інфармацыйны» Вікторыя Сянкевіч. Ёй далі ўзнагароду за рэпартажы і прамыя ўключэнні з саміту Расія — ЗША (сустрэча Уладзіміра Пуціна і Дональда Трампа на Алясцы).
Узнагароду як найлепшая вядучая грамадска-палітычнай (публіцыстычнай) тэлепраграмы атрымала Алена Сырова, вядучая аўтарскай праграмы «Суровы погляд» і грамадска-палітычнага ток-шоу «Па сутнасці» на СТБ.
Найлепшай вядучай інфармацыйнай праграмы стала Кацярына Тумас-Цішкевіч, вядучая штодзённай інфармацыйна-аналітычнай праграмы «Нашы навіны» на «Другім нацыянальным тэлеканале».
Найлепшай журналісткай рэгіянальнага тэлебачання назвалі Крысціну Бендзянкову — за тэлепраграмы «Наша справа», «Вобласць інтарэсаў», «Брэнд», «Навіны рэгіёна», «Днямі» на тэлерадыёкампаніі «Магілёў».
Найлепшай вядучай рэгіянальнага тэлебачання прызналі Ганну Баярчук, вядучую «Гомельскага эфіру» на тэлерадыёкампаніі «Гомель».
Рэдакцыя «Гродзенскай праўды» амаль у поўным складзе кінулася ў сацсеткі каментаваць візіт Ціханоўскай у Кіеў
Тур заклікае рыхтавацца да вайны, таму што «Еўрасаюз не здасца на літасць саюза трох імперый»
Заблакавалі ў ютубе ўсе каналы міжнароднага радыё «Беларусь»
«Вялікапераможны» крэатыў ад гродзенскіх прапагандыстаў: па цэнтральных вуліцах запусцілі бранявік з ваеннымі песнямі ВІДЭА
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары