Экс-міністр адукацыі Сяргей Маскевіч прызначаны дырэктарам Экалагічнага інстытута імя Сахарава ў складзе БДУ
Міжнародны дзяржаўны экалагічны інстытут ім. А.Д. Сахарава з 1 верасня уключаны ў склад комплексу БДУ ў якасці юрыдычнай асобы, паведамляе прэс-служба Белдзяржуніверсітэта.
Рашэнне аб рэарганізацыі было прынята ў маі на ўзроўні ўрада. Заняткі будуць праходзіць на старых плошчах ВНУ — на вуліцы Даўгабродскай у Мінску.
Дырэктарам інстытута імя Сахарава прызначаны Маскевіч Сяргей Аляксандравіч. Адпаведны загад 31 жніўня падпісаў рэктар БДУ акадэмік Сяргей Абламейка, гаворыцца ў паведамленні.
Маскевіч Сяргей Аляксандравіч — доктар фізіка-матэматычных навук, прафесар. Скончыў Гродзенскі педагагічны інстытут па спецыяльнасці «фізіка». Абараніў кандыдацкую і доктарскую дысертацыі па фізіка-матэматычных навуках. У 1997—2005 гг. быў рэктарам Гродзенскага дзяржаўнага ўніверсітэта ім. Янкі Купалы. З 29 снежня 2010 г. па 27 снежня 2014 года — міністр адукацыі Рэспублікі Беларусь. Аўтар больш за 250 навуковых прац па фізіцы малекул і менеджменту ў адукацыі.
Прарэктар па навуковай рабоце Сяргей Пазняк, які выконваў абавязкі кіраўніка ВНУ, атрымаў пасаду першага намесніка дырэктара МГЭІ БДУ.
Чытайце таксама: Сяргей Маскевіч, якога прысароміў Лукашэнка: гісторыя жыцця міністра і яго «амерыканскіх» дзяцей
-
З асуджанага за шпіянаж знаёмага Вольгі Карач у турме вымагалі грошы. А ён хваліўся, што можа дастаць іх у пасольстве Беларусі
-
У мінскім парку Чавеса два дні будзе працаваць зіплайн — рэч са спускам на шалёнай хуткасці
-
Лукашэнка загадаў, каб былых сілавікоў, ратавальнікаў і дыпламатаў, звольненых «па дыскрэдытуючых», адсочвалі пяць гадоў
Цяпер чытаюць
«За чатыры дні яе тройчы экстранна шпіталізавалі». Беларуска трапіла ў эміграцыйную турму ў ЗША пасля побытавай сваркі з партнёрам5
Каментары