Гэта выключна рэдкі ў нашы часы выпадак. Што ж здарылася?
Сёлета ў 23-гадовай дзяўчыны прайшло вяселле, дзіця чакалі ў канцы кастрычніка. Падрыхтоўка да родаў ішла планава. У апошні момант вырашылі рабіць кесарава сячэнне.
«Жанчына не мела ўвогуле ніякіх праблем са здароўем, не ўжывала алкаголь, не курыла. І спачатку кесарава рабіць не планавалі – ёй проста сказалі рыхтавацца да родаў. Гэта было а 6-й раніцы 27 кастрычніка. А ў 8 ранку яна ўжо была нежывая. Родным паведамілі пра смерць у 10», — расказаў «Нашай Ніве» маладзечанец Эдуард Баланчук, сябар сям’і, у якой здарылася трагедыя.
Афіцыйнай прычынай смерці называецца вострая лёгачна-сардэчная недастатковасць і анафілактычны шок. Гэты дыягназ стаіць у пасведчанні аб смерці.
«Хутчэй за ўсё, ўвялі лекі, ад якіх рэзка спынілася сэрца. У абсалютна здаровага чалавека можа быць такая нечаканая рэакцыя на прэпараты. Гэта адбываецца ў вельмі і вельмі рэдкіх выпадках, — кажа Баланчук. — Прыязджала брыгада з Мінску, забралі ўсе аналізы. Будуць разбірацца. Хто там якія дзеянні выконваў? Ці скарысталіся антыаллергеннай аптэчкай, якая павінна быць для такіх выпадкаў?»
У радзільні маўчаць, ніхто на гэтую тэму не размаўляе. І гэта зразумела ў такой сітуацыі.
«На сёння ні я, ні хто іншы не можа сказаць, хто вінаваты. Па той інфармацыі, якая ёсць, можна сказаць, што дактары дзейнічалі ў адпаведнасці з пратаколам», — сказала «Нашай Ніве» Наталля Свірыда, намесніца галоўнага доктара па дзяцінству і родадапамозе Маладзечанскай бальніцы.
Выпадкі смерці маці пры родах у Беларусі ў апошнія гады крайне рэдкія.
Дзіця выжыла. Гэта хлопчык.
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна13
Каментары