У размове баевікі абмяркоўвалі падрабязнасці катастрофы
Перамовы лідараў групоўкі «Ісламская дзяржава» у сірыйскім горадзе Рака і іх саюзнікаў на Сінайскім паўвостраве сведчаць пра дачыненне баевікоў да крушэння расійскага A321 «Кагалымавія». Як распавялі NBC неназваныя амерыканскія чыноўнікі, у сваёй размове ісламісты хваліліся дачыненнем да катастрофы.
«Яны вельмі выразна святкавалі», — распавёў адзін з суразмоўцаў канала (цытата паводле Reuters). Ён адзначыў, што ў размове згадваліся дэталі, якія тычацца выбуху самалёта. Баевікі таксама абмеркавалі, як менавіта ім удалося арганізаваць катастрофу.
Раней The Times паведамляла пра тое, што брытанская і амерыканская выведка перахапіла перамовы сінайскай групоўкі, звязанай з ІД. У электронных паведамленнях гаварылася пра тое, што на борт лайнера было пранесенае выбуховае прыстасаваньне.
31 кастрычніка самалёт авіякампаніі «Кагалымавія», які ладзіў рэйс па маршруце Шарм-эль-Шэйх — Санкт-Пецярбург, разбіўся на Сінайскім паўвостраве праз 23 хвіліны пасля ўзлёту. На яго борце знаходзіліся 224 чалавекі, 217 пасажыраў і сем членаў экіпажа, усе яны загінулі.
Пасля катастрофы прадстаўнікі «Ісламскай дзяржавы» двойчы заяўлялі пра сваё дачыненне да кататсрофы. Але расійскія ўлады выключалі падобную версію.
Цяпер чытаюць
Алексіевіч: Адно з самых моцных уражанняў у жыцці — калі я апынулася ў натоўпе ў 2020 годзе14
Каментары