Медыйная сфера Беларусі мае патрэбу ў пакрокавым структурным рэфармаванні. Аб гэтым заявіў старшыня грамадскага аб'яднання «Беларуская асацыяцыя журналістаў» (БАЖ) Андрэй Бастунец, прадстаўляючы 12 лістапада ў Мінску альтэрнатыўную канцэпцыю рэфармавання медыйнай сферы ў Беларусі.
Канцэпцыя распрацавана ў межах праекта «Урад для народа», які рэалізуе Інстытут развіцця дэмакратыі і сацыяльнага рынку для Беларусі і Усходняй Еўропы (Літва) па замове аргкамітэта па стварэнні партыі «Беларуская хрысціянская дэмакратыя». Ён прадугледжвае распрацоўку дзесяці законапраектаў, якія датычацца асноўных напрамкаў развіцця грамадства і дзяржавы (культура, правасуддзе, адукацыя, ЖКГ і іншыя).
Паводле слоў Бастунца, на першым этапе рэфармавання заканадаўства ў медыйнай сферы неабходна распачаць «неадкладныя арганізацыйныя і прававыя меры, якія знімуць неабгрунтаваныя перашкоды ў развіцці беларускіх СМІ і ўхіляць празмерны дзяржаўны кантроль над імі».
Гэтыя змяненні, паводле яго слоў, не патрабуюць унясення істотных змяненняў у дзейнае заканадаўства і могуць быць ажыццёўленыя ў кароткія тэрміны. У прыватнасці, адзначыў кіраўнік БАЖ, неабходна адмяніць папраўкі ў закон «Аб сродках масавай інфармацыі», прынятыя ў снежні 2014 года; накласці мараторый на пазасудовае прымяненне санкцый да суб'ектаў СМІ, а таксама на пазасудовую блакіроўку сайтаў; прыпыніць падрыхтоўку змяненняў ва ўказ № 60 адносна адказнасці ўладальнікаў інтэрнэт-рэсурсаў за каментарыі карыстальнікаў; адмяніць патрабаванне абавязковай акрэдытацыі журналістаў замежных СМІ і іншае.
На другім этапе рэфармавання прапаноўваецца ўнесці змяненні ў дзейнае заканадаўства ў сферы СМІ, якія дазволяць наблізіць яго да дэмакратычных стандартаў. Напрыклад, прапаноўваецца перайсці ад дазвольнага да апавяшчальнага парадку рэгістрацыі СМІ; пазбавіць Міністэрства інфармацыі кантрольных функцый і паўнамоцтваў па прымяненні санкцый да СМІ, інтэрнэт-рэсурсаў, выдаўцоў, распаўсюджвальнікаў прадукцыі СМІ; прывесці ў адпаведнасць з міжнароднымі абавязацельствамі Беларусі пералік інфармацыі, распаўсюджванне якой у СМІ забаронена ці абмежавана.
На трэцім этапе, адзначыў Бастунец, трэба рэфармаваць заканадаўства аб СМІ ў адпаведнасці з дэмакратычнымі стандартамі, у прыватнасці прыняць новы закон аб СМІ. Акрамя таго, прапаноўваецца трансфармаваць дзяржаўную Белтэлерадыёкампанію ў Грамадскае тэлебачанне і правесці раздзяржаўленне дзяржаўных СМІ, выдавецка-паліграфічных магутнасцяў і сістэм распаўсюджвання друкаваных СМІ.
У 2020 годзе ябацька Аміна «актыўна галасавала» за Лукашэнку. А цяпер не разумее, чаму родная маці на яе данесла, а міліцыя затрымала33
Каментары