Штаб АТА: РФ рыхтуе маштабную правакацыю, каб абвінаваціць Украіну ў генацыдзе
Штаб АТА заявіў аб падрыхтоўцы Расіяй маштабнай правакацыі супраць Украіны для выхаду з «мінскага» перамоўнага працэсу.
Пра гэта на традыцыйным брыфінгу ў чацвер заявіў спікер Адміністрацыі па пытаннях АТА Андрэй Лысенка.
Паводле яго слоў, Расія рыхтуе правакацыю з гібеллю 500 чалавек у населеным пункце Сакольнікі на Луганшчыне для звароту ў Міжнародны крымінальны суд у Гаазе, абвінаваціўшы Украіну ў генацыдзе рускамоўнага насельніцтва.
«З мэтай адцягнення ўвагі ад трагічных падзей у Сірыйскай арабскай рэспубліцы, дзе зафіксаваныя не адзінкавыя выпадкі гібелі грамадзянскага насельніцтва ад дзеянняў узброеных сіл Расійскай Федэрацыі, кіраўніцтва Расіі рыхтуе правакацыю міжнароднага маштабу супраць Украіны», — сказаў Лысенка.
«Яе мэта — дыскрэдытацыя кіраўніцтва нашай дзяржавы, атрыманне падставы для падачы пазову супраць Украіны ў Міжнародны крымінальны суд у Гаазе, а таксама стварэнне падстаў для выхаду РФ з «мінскага працэсу», — адзначыў ён.
Па словах Лысенкі, ажыццяўляецца фабрыкацыя псеўдадоказаў так званага «генацыду Украінай рускамоўнага насельніцтва Данбаса».
«У прыватнасці вырабляюцца дакументальныя матэрыялы пра нібыта знішчэнне ўкраінскімі вайскоўцамі каля 400 дамоў і 500 чалавек, у тым ліку жанчын, дзяцей і пажылых людзей сяла Сакольнікі Славянасербскага раёна Луганскай вобласці, якое цяпер знаходзіцца на часова-акупаванай тэрыторыі непадалёк лініі размежавання», — сказаў Лысенка.
Да правядзення гэтай працы прыцягваюцца супрацоўнікі ФСБ, ГРУ ГШ УС РФ, Следчага камітэта Расіі, а таксама прадстаўнікі так званых «сілавых структур» «ЛНР».
Прапагандысты выкарыстоўваюць рэальныя факты разбурэнняў вёскі Сакольнікі і гібелі яго жыхароў, якія пацярпелі ад рук баевікоў і расійскіх войскаў у ходзе баявых дзеянняў у канцы 2014 — пачатку 2015 года.
На аснове гэтых фактаў, якія будуць прадстаўленыя ў якасці так званых «вынікаў расследавання праваахоўных органаў «ЛНР», ужо рыхтуюцца інфармацыйна-прапагандысцкія матэрыялы для СМІ і судовыя пазовы.
Для нагнятання атмасферы істэрыі і нянавісці плануецца правядзенне гістарычных паралеляў з трагічнымі падзеямі ў Хатыні падчас Другой Сусветнай вайны і югаслаўскіх войнаў 90-х гадоў.
У той жа час ажыццяўляецца псіхалагічная апрацоўка мясцовага насельніцтва, акупанты спрабуюць схіліць да аказання неабходных для Расіі «паказанняў», адзначылі ў штабе АТА.
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам12
Каментары