Астраномы з ЗША і Аўстраліі ўпершыню атрымалі здымкі экзапланеты, якая фарміруецца
Астраномам з ЗША і Аўстраліі ўпершыню сталі даступныя здымкі экзапланеты, якая фарміруецца. Вынікі сваіх даследаванняў аўтары апублікавалі ў часопісе Nature, а коратка пра іх паведамляецца на сайце Сіднэйскага універсітэта.
Экзапланета, што фарміруецца, абарачаецца вакол зоркі LkCa 15, якая знаходзіцца на адлегласці 450 светлавых гадоў ад Зямлі. Планета акружаная газапылавым дыскам. Ад яго, як паказваюць назіранні, экзапланета захоплівае матэрыю для свайго фарміравання.
Раней навукоўцы пры назіранні амаль 1,9 тысячы такіх нябесных цел не выяўлялі якія-небудзь змены ў іх пабудове. У правядзенні высокадакладных назіранняў з зямных абсерваторый навукоўцам перашкаджаюць атмасферныя з'явы.
Знізіць іх уплыў і адсачыць эвалюцыю экзапланеты астраномам удалося, выкарыстоўваючы LBT (Large Binocular Telescope, Вялікі бінакулярны тэлескоп), размешчаны ў Арызоне, а пацвердзіць назіранні — пры дапамозе адаптыўнай аптычнай сістэмы Magellan Telescope (Магеланаў тэлескоп) у Чылі.
Экзапланета LKCA 15 b адкрытая ў 2011 годзе. Яна размешчаная на адлегласці каля 16 астранамічных адзінак ад свяціла, вакол якога абарачаецца з перыядам каля 27 гадоў. Экзопланета прыкладна ў шэсць разоў цяжэйшая за Юпітэр.
Цяпер чытаюць
«Лічу, што гэта мая місія». Беларускамоўны Павел з ДЦП выклікаў хвалю захаплення, зайздрасці і любові4
Каментары