Ратавальніка з расійскага Салехарда сталі абражаць у чаце. Ён напісаў «Слава Украіне! Жыве Беларусь!» — і выйшаў
Уладзіслава Кахнюка знайшлі і пакаралі.
У судзе расійскага Салехарда (Ямала-Ненецкая аўтаномная акруга) мясцовага жыхара прызналі вінаватым у «публічнай дэманстрацыі сімволікі экстрэмісцкай арганізацыі» і аштрафавалі прыкладна на $78.
40‑гадовы Уладзіслаў Кахнюк патлумачыў, што выпадкова трапіў у нейкі тэлеграм-чат праз рэкламную рассылку. А калі іншыя ўдзельнікі пачалі яго абражаць, напісаў фразу «Слава Украіне! Жыве Беларусь!» і адразу выйшаў з чата.
Але суд палічыў, што гэта фраза — лозунг Украінскай паўстанцкай арміі, якая была прызнаная «экстрэмісцкай» яшчэ ў 2014 годзе.
Уладзіслаў Кахнюк прадэклараваў, што раскаяўся, таму атрымаў мінімальна магчымы штраф.
Кахнюк працуе ў Аварыйна-ратавальнай службе Ямала-Ненецкага аўтаномнай акругі. Мяркуючы па сацсетках, яго бацька родам з Пінска.
Каментары