Прэсавы сакратар Дзярждэпартамэнту ЗША Шон Маккормак выступіў з заявай аб падзеях апошніх дзён у Беларусі.
«Мы асуджаем сёньняшнія жорсткія захады супраць незалежных мэдыяў у Беларусі, падчас якіх без законных падставаў былі затрыманыя 30 незалежных журналістаў у 12 гарадах, — гаворыцца ў заяве. — Гэта адбылося пасьля брутальнага разгону мірных шэсьцяў у Менску 25 сакавіка, які суправаджаўся дзясяткамі затрыманьняў. Рэжым Аляксандра Лукашэнкі зноў выявіў сябе як грубая аўтарытарная дыктатура, якая адкрыта парушае правы чалавека і фундамэнтальныя свабоды».
Дзярждэпартамэнт заклікае беларускія ўлады неадкладна вызваліць ўсіх тых, хто быў арыштаваны і зьняволены, забясьпечыць, каб усім пацярпелым была аказаная належная мэдычная дапамога, і прыцягнуць усіх вінаватых да адказнасьці.
«Мы таксама заклікаем Беларусь спыніць цкаваньне ацалелых незалежных СМІ, якія надалей стараюцца асьвятляць падзеі ў Беларусі, і паважаць свабоду сходаў, выказваньняў і незалежных мас‑мэдыяў у Беларусі», — заявіў Шон Маккормак.
Цяпер чытаюць
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень5
Каментары