ЗША: Бамбардзіроўшчыкі РФ «лажануліся» — разбамбілі базу войск Асада
Расійскія самалёты памылкова нанеслі ўдар па пазіцыях арміі сірыйскага дыктатара Башара Асада на мінулым тыдні, напісалі амерыканскія СМІ са спасылкай на высокапастаўленую крыніцу.
Першапачаткова афіцыйныя ўлады Сірыі заявілі, што авіяцыя кааліцыі пад кіраўніцтвам ЗША бамбіла ў нядзелю ваенную базу войск Асада, у выніку чаго загінулі 3 жаўнеры, яшчэ 13 былі параненыя. Была знішчана ваенная тэхніка і рыштунак.
Кааліцыя афіцыйна заявіла, што ў гэты дзень усе баявыя вылеты яе самалётаў былі скіраваныя супраць нафтавых аб'ектаў, а не супраць ваенных цэляў.
Пазней высокапастаўлены амерыканскі чыноўнік неафіцыйна паведаміў, што «лажанулася» расійская авіяцыя.
«Мы заўважылі на радары бамбардзіроўшчык Backfire (Ту-22) дакладна над горадам, пра які казалі сірыйцы», — сказаў чыноўнік.
Як мінімум 12 расійскіх дальніх бамбардзіроўшчыкаў Ту-22М3 удзельнічаюць у аперацыі ў Сірыі. Вядома, што яны выкарыстоўваюць звычайныя некіраваныя бомбы.
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль7
Каментары