Грамадства44

ФСАН патрабуе 14 млн з іпэшніка, які 14 гадоў не атрымлівае прыбытку з прадпрымальніцкай дзейнасці

Апошнія два гады Сяргей Кудрашоў працуе па дамове падраду, спраўна пералічвае ў Фонд сацабароны ўнёскі, але яго прымушаюць заплаціць паўторна, бо ён зарэгістраваны і як індывідуальны прадпрымальнік.

ІП Сяргей Кудрашоў зарэгістраваў у 2001 годзе. Як іпэшнік ён прапрацаваў менш за год. Праект, па якім ён заключыў дамову, скончыўся, і больш прадпрымальніцкая дзейнасць прыбытку яму не прыносіла. Аднак заяву не ліквідацыю мужчына не падаваў - думаў, яшчэ знойдзецца праца.

«Гэта цяпер трэба ўсяго некалькі дзён, каб зарэгістраваць ІП. А па тых часах гэта было даволі турботная справа, — кажа ён. — Таму заяву ў падатковую я не падаваў, статус прадпрымальніка нічым мяне не абцяжарваў».

Аднак у 2014 змянілася заканадаўства. Цяпер усе прадпрымальнікі, незалежна ад таго, атрымліваюць яны прыбытак ад сваёй дзейнасці ці не, абавязаны пералічыць унёскі ў Фонд сацыяльнай абароны насельніцтва. За год набягае больш за 7 млн рублёў.

«Я думаў, мяне гэта не тычыцца, паколькі я спачатку працаваў па працоўнай дамове, а апошнія два гады па дамове падраду. Увесь гэты час працадаўца пералічваў за мяне ў ФСАН 35% ад заработнай платы, - распавядае Сяргей. - Аднак, калі я ўсё ж такі падаў дакументы на ліквідацыю, з ФСАН прыйшоў ліст, што я ім павінен больш за 13,5 млн. рублёў плюс пяню 800 тысяч рублёў. Маю працу па дамове падраду, а адпаведна і ўнёскі за гэты перыяд, яны ў разлік браць не хочуць».

Па законе, калі прадпрымальнік паралельна працуе ў іншай арганізацыі, унёскі за яго можа пералічваць працадаўца. Тады паўторна нічога плаціць не трэба. Аднак гэтае правіла распаўсюджваецца толькі на працоўныя адносіны, да якіх праца па дамове падраду не адносіцца, растлумачылі БелаПАН у Цэнтральным апараце ФСАН.

Сяргей некалькі разоў звяртаўся ў Першамайскі аддзел Мінскага ўпраўлення Фонду з пытаннем, чаму ён як ІП павінен плаціць двойчы.

«Мне патлумачылі, што дзейнасць па дамове падраду яны расцэньваюць як другую працу, а вось ІП як асноўную, хоць па факце грошай з прадпрымальніцтва я ўжо вельмі даўно не атрымліваю, - кажа мужчына. - У выніку я павінен заплаціць двойчы, інакш апішуць маю маёмасць!»

У бліжэйшы час Кудрашоў збіраецца пагасіць запазычанасць, хоць спадзяецца, што 800 тысяч выстаўленай пяні яму ўдасца адсудзіць. «Мне не паведамлялі аб запазычанасці. У Фондзе няма дадзеных, што на мой адрас адпраўлялі ліст. Так што па гэтым пытанні, думаю, будзе яшчэ разгляд».

Сяргей Кудрашоў звярнуўся і ў Канстытуцыйны суд. Ён лічыць, што варта ліквідаваць прабелы ў заканадаўстве.

«Ва ўказе аб дармаедстве мы ўлічаныя. Калі працуеш па дамове падраду, плаціць збор не трэба. А вось у плане адлічэнняў у Фонд сацабароны ёсць недапрацоўка, — мяркуе ён. — З аднаго боку праца па дамове падраду не з'яўляецца працоўнымі адносінамі, інакш з мяне як ІП не бралі б паўторна ўнёскі, але з іншага боку, я вымушаны выплачваць унёскі ў ФСАН як з працоўнай дзейнасці. Дзе справядлівасць? Я ж не прагуляў, працаваў, пералічваў усе сумы!»

Пазбегнуць «падвойнага ўнёску» можна было б, калі б прадпрымальнік своечасова падаў заяву аб спыненні дзейнасці.

«У Фондзе мне сказалі, што ўсе мае ўнёскі ўлічаць пры налічэнні бальнічных і ў наступным пенсіі, — кажа Кудрашоў. — Аднак на працоўны стаж гэта ніяк не паўплывае. Нашы органы ўлічваюць толькі запісы ў працоўнай кніжцы».

У Фондзе сацабароны адмовіліся даць БелаПАН інфармацыю, колькі іпэшнікаў пералічылі ўнёскі, нягледзячы на тое, што ў 2014 годзе яны не атрымалі прыбытку з прадпрымальніцкай дзейнасці.

Вядома толькі, што на 1 кастрычніка 2015 у Беларусі было зарэгістравана амаль 333 тысячы ІП.

Каментары4

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню33

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Усе навіны →
Усе навіны

Сярэдні заробак дактароў дасягнуў 4100 рублёў «бруднымі»3

Амерыканскую зорку Джэйсана Дэрула прывезлі да Віктара Лукашэнкі17

Палітзняволены грамадзянін Латвіі атрымаў у СІЗА дубінкай за тое, што заступіўся за беларускамоўнага зняволенага10

Жонка пасла ў Турцыі і былога прэс-сакратара МЗС Глаза больш не вядзе ранішні эфір на БТ7

Рамзан Кадыраў ледзь не патануў на адпачынку ў Турцыі9

Крывавая страляніна: што адбываецца паміж Камбоджай і Тайландам?

«Казахстанскі квартал» і новабудоўлі ў Чыжоўцы, Масюкоўшчыне, Лошыцы. Як будзе забудоўвацца Мінск3

Галоўны трэнер «Нёмана» выканаў дзіўны танец пасля перамогі ў матчы Лігі канферэнцый

«Змагла развітацца па-людску». У Польшчы ў беларускі памёр муж — яна расказала, як даставіла прах на радзіму і арганізавала пахаванне

больш чытаных навін
больш лайканых навін

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню33

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Галоўнае
Усе навіны →

Заўвага:

 

 

 

 

Закрыць Паведаміць