Лукашэнка: Я ня бачу ніякіх праблем ва ўзаемаадносінах Беларусі з астатнім сьветам
Аляксандар Лукашэнка ўпэўнены ў нармалізацыі адносін з ЗША і ЭС. Пра гэта ён заявіў сёньня ў інтэрвію віетнамскім СМІ.
Прэзыдэнт Беларусі Аляксандар Лукашэнка ўпэўнены ў нармалізацыі адносін з ЗША і ЭС. Пра гэта ён заявіў сёньня ў інтэрвію віетнамскім СМІ.
«Мы ні з кім ня хочам сварыцца: ні з Усходам, ні з Захадам. Думаю, што нармалізуюцца адносіны з амэрыканцамі, ёсьць пэрспэктывы нармалізацыі адносін з Эўрасаюзам», — падкрэсьліў кіраўнік дзяржавы.
Ён адзначыў, што Беларусь «спрабуюць прыціснуць санкцыямі».
«Гэта дарэмныя спробы. Мы знойдзем рынкі збыту сваёй прадукцыі», — заявіў прэзыдэнт.
Кіраўнік дзяржавы лічыць, што калі б Беларусі не перашкаджалі разьвіваць эканоміку, то яна прырастала б яшчэ большымі тэмпамі.
Аляксандар Лукашэнка выказаў упэўненасьць, што, нягледзячы на пэўныя цяжкасьці, Беларусь у бліжэйшы час з усімі выбудуе нармальныя адносіны.
«Я ня бачу ніякіх праблем ва ўзаемаадносінах Беларусі з астатнім сьветам», — падкрэсьліў прэзыдэнт.
Каментары