Рынак нафты пачне балансаваць праз 1—1,5 гады, справядлівым коштам з'яўляецца ўзровень у 40—50 даляраў за бараль, сказаў міністр энергетыкі РФ Аляксандр Новак ў эфіры праграмы «Весці тыдня» расійскага ТБ.
Цяпер ідзе перавышэнне прапановы нафты над попытам. Попыт вырас на 1,5 мільёна бараляў за суткі, прапанова — да 1,9 мільёна бараляў за суткі на фоне нізкіх коштаў, цытуе міністра РІА Новості.
«Мы лічым, што для аднаўлення (балансу попыту і прапановы на рынку нафты) патрэбны яшчэ як мінімум адзін год, паўтара года. Баланс попыту і прапановы пачне выраўноўвацца», — сказаў Новак.
«Што тычыцца коштаў, тут цяжка прагназаваць, калі яны пачнуць сваё аднаўленне. Калі казаць пра справядлівыя цэны, на мой погляд, і пра гэта кажуць многія аналітыкі, сёння бенчмаркам, гранічнай цаной, з'яўляецца сабекошт здабычы сланцавай нафты. Сабекошт здабычы вагаецца ў дыяпазоне ад 20 да 60 даляраў. У сярэднім можна сказаць пра 40—50 даляраў як цэнах, якія ў выпадку аднаўлення маглі б трымаць баланс попыту і прапановы», — адзначыў міністр.
Цяпер чытаюць
Дык усё ж ці бяспечны Telegram і для якіх мэтаў бяспечны? Вось што ясна на сёння4
Дык усё ж ці бяспечны Telegram і для якіх мэтаў бяспечны? Вось што ясна на сёння
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары