Кіраўнік Беларусі Аляксандр Лукашэнка сустрэўся ў Сочы з прэм'ер-міністрам Расіі Дзмітрыем Мядзведзевым.
«Беларусь і Расія дамовіліся сумесна пераадольваць негатыўныя эканамічныя тэндэнцыі. Пра гэта ішла размова сёння на сустрэчы прэзідэнта Беларусі Аляксандра Лукашэнкі са старшынёй урада Расійскай Федэрацыі Дзмітрыем Мядзведзевым у Сочы», — паведамляе прэс-служба беларускага кіраўніка.
president.gov.by
«Размова Аляксандра Лукашэнкі і Дзмітрыя Мядзведзева праходзіла ў нефармальнай абстаноўцы. Разам з тым быў закрануты ўвесь спектр пытанняў двухбаковых адносін. Гутарка будавалася ў працяг тэлефоннай размовы прэзідэнтаў Беларусі і Расіі, якая адбылася 28 студзеня», — адзначаецца ў паведамленні прэс-службы.
Аляксандр Лукашэнка і Дзмітрый Мядзведзеў абмеркавалі таксама вынікі перамоў кіраўнікоў урадаў Беларусі і Расіі, што прайшлі 29 студзеня ў Санкт-Пецярбургу.
Гаворка ішла пра стан тавараабароту і шляхах нарошчвання аб'ёмаў узаемнага гандлю. Прэзідэнт і старшыня урада закранулі таксама супрацоўніцтва краін у інтэграцыйных аб'яднаннях, у прыватнасці, абмеркавалі некаторыя пытанні функцыянавання Еўразійскага эканамічнага саюза.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары