За першы квартал ён вырас на 10,5 адсотка, паведаміў прэм’ер‑міністар Сяргей Сідорскі.
«Гэта добры паказчык. Ён адпавядае ўзроўню развіцця эканомікі ў 2004 годзе», — зазначыў прэм’ер‑міністр.
Прырост прамысловай вытворчасці Беларусі за тры месяцы склаў 13,6%, сельскагаспадарчай вытворчасці — 6,8%, інвестыцый у асноўны капітал — 20%. Выкананы паказчыкі па ўводзе жылля ў эксплуатацыю. Інфляцыя за студзень—сакавік склалася на ўзроўні 4,1%. Пры гэтым, для параўнання, у Расіі інфляцыя за гэты перыяд склала 4,8%, ва Украіне — больш як 9%, паведаміў прэзідэнту С.Сідорскі.
Апрача таго, на сустрэчы былі абмеркаваны пытанні інавацыйна‑інвестыцыйнай палітыкі. Прэзідэнт звярнуў увагу на неабходнасць правядзення паскоранай мадэрнізацыі беларускіх прадпрыемстваў, укаранення новых тэхналогій, у тым ліку ў сферы энергазберажэння.
«Работа ў гэтым кірунку ўжо разгорнута. З пачатку года энергаёмістасць ВУП знізілася на 7,3%. Гэты паказчык сёлета павінен быць у межах 8%», — сказаў С.Сідорскі.
Абмяркоўваўся таксама ход веснавой палявой кампаніі ў Беларусі.
«Сёлета яна будзе прафінансавана ў поўным аб’ёме», — зазначыў С.Сідорскі.
На закупку ўгнаенняў, гаруча‑змазачных матэрыялаў, набыццё новай сельгастэхнікі, рамонт і аднаўленне існуючага абсталявання і іншыя мэты будзе накіравана 2 трлн. 170 млрд. рублёў.
А.Лукашэнка даручыў на працягу найбліжэйшага тыдня паскорыць тэмпы правядзення пасяўной, каб завяршыць яе ў сціслыя тэрміны. Да гэтага часу ў краіне яравыя культуры пасеяны больш чым на 20% запланаваных плошчаў, падрыхтаваная глеба пад яравую сяўбу на ўзроўні 30% да плана. У цэлым сёлета ў Беларусі плануецца пасеяць 1,2 млн. гектараў яравых культур. Прэзідэнтам пастаўлена задача атрымаць не менш як 7,8 млн. тон збожжа, не менш як 150 тыс. тон піваварнага ячменю, 3,7 млн. тон цукровых буракоў, 60 тыс. тон ільну.
Размова на сустрэчы ішла і аб рэалізацыі дамоўленасцей, якія былі дасягнуты падчас апошняга пасяджэння Савета міністраў Саюзнай дзяржавы ў сакавіку ў Мінску. У прыватнасці, кіраўнік дзяржавы і прэм’ер‑міністр абмеркавалі пытанні развіцця гандлёва‑эканамічных стасункаў з Расійскай Федэрацыяй. Сёлета тэмпы росту ўзаемнага тавараабароту значна вышэйшыя за леташнія.
У цэлым аб’ём знешняга гандлю Беларусі таварамі і паслугамі за два месяцы 2008 года павялічыўся больш чым на 60%, паведаміў С.Сідорскі.
Каментары