У дачыненні да былога генеральнага дырэктара ААТ «Пінскводбуд» распачатая справа па ч. 3 арт. 424 КК (злоўжыванне ўладай ці службовымі паўнамоцтвамі).
Як паведаміў начальнік Пінскага міжраённага аддзела УДФР КДК па Брэсцкай вобласці Валерый Велясніцкі, крымінальная справа распачата Пінскім міжраённым аддзелам Следчага камітэта па матэрыялах пазапланавай праверкі прадпрыемства. Яе праводзіла фінансавая міліцыя сумесна з Пінскім міжраённым Камітэтам дзяржкантролю і Пінскай міжраённай пракуратурай.
Праверка выявіла, што ў 2014 годзе генеральны дырэктар ААТ «Пінскводбуд» заключыў з камерцыйнай фірмай дагавор на пастаўку дзвярных і аконных блокаў ПВХ за кошт бюджэтных сродкаў, выдзеленых па дзяржаўнай праграме пераадолення наступстваў катастрофы на Чарнобыльскай АЭС.
Згодна з умовамі дагавора, «Пінскводбуд» павінен быў пералічваць грошы паэтапна на працягу паўгода пасля поўнага выканання пастаўшчыком сваіх абавязацельстваў. Са студзеня па верасень 2015 года гендырэктар прадпрыемства, нягледзячы на тое што фірма недапаставіла прадукцыі на 234,6 млн. рублёў, забяспечыў пералічэнне ў адрас гэтай фірмы аплаты ўсяго заказу, а таксама афармленне фіктыўных таварна-суправаджальных дакументаў аб пастаўцы дзвярных і аконных блокаў у поўным аб'ёме.
У выніку «Пінскводбуду» быў нанесены ўрон у асабліва буйным памеры. Недапастаўленая прадукцыя была закуплена ў іншай фірме, на што затрачана 227 млн. рублёў з уласных сродкаў прадпрыемства. Такім чынам, за прадукцыю прыйшлося плаціць двойчы.
У пачатку лютага бягучага года гендырэктар быў адхілены ад пасады наглядальным саветам ААТ «Пінскводбуд».
-
У Пружанах са стралянінай затрымлівалі кіроўцу без правоў
-
«Дзяўчына недзе праз сем секунд ужо пікіравала без пілота». Сябар дэльтапланерыста, які разбіўся ў Строчыцах, расказаў, што прывяло да трагедыі
-
«Парваў сабе дыяфрагму і кішкі, наноў вучыўся хадзіць». Унук аўтара «Калыханкі» Васіля Раінчыка распавёў, як трапіў у страшную аварыю
Каментары