Пасьля трох гадоў перапынку аднавіла працу польска‑беларуская кансультацыйная камісія па справах культурнай спадчыны.
Пасьля трох гадоў перапынку аднавіла працу польска‑беларуская кансультацыйная камісія па справах культурнай спадчыны.
У апошні аўторак ў Познані адбылося 15‑ае ўжо па ліку паседжаньне гэтай камісіі. На сустрэчы прысутнічалі статс‑сакратар Міністэрства культуры й нацыянальнай спадчыны Польшчы Томаш Мэрта ды намесьнік міністра культуры Беларусі Ўладзімер Грыдзюшка.
У паседжаньні камісіі ўдзельнічаў таксама Міхал Міхальскі, кіраўнік Дэпартамэнту па справах польскай культурнай спадчыны па‑за межамі.
Беларусы сярод іншага пазнаёмілі польскіх калег з падрабязнай інфармацыяй адносна рэстаўрацыйных работ у Нясьвіскім замку. Сярод спэцыялістаў быў навуковы кіраўнік кансэрватарскіх працаў у Нясьвіжы Сяргей Друшчыц:
Канструкцыйны стан гэтай галерэі быў аварыйны як толькі мы распачалі кансэрватарскія працы. Тры гады мы трымалі муры на часовых канструкцыях і выпрацоўвалі варыянт, як іх захаваць. Быў распрацаваны праект. Яго мэтай было стварэньне такой незалежнай канстукцыі, якая б трымала гэтыя муры. Але ж пад падмуркамі знаходзіцца двухмэтровы слой торфу. Ён знаходзіўся і пад усходняй галерэяй, і пад палацам. Пад палацам нам удалося замацаваць мур. Аднак жа фундамэнты палацу знаходзяцца на глыбіні больш за 6 мэтраў глыбей, чым галерэі. Магчымасьці замацаваць тыя муры, што засталіся ва ўсходняй галерэі, не было. Была створаная спэцыяльная камісія, незалежная экспэртыза і, на жаль, было прынятае такое цяжкае для нас, але ж неабходнае, рашэньне. Зробленая падрабязная інвэнтарызацыя, распрацаваны праект аднаўленьня галерэі ў стане, які быў зафіксаваны.
Антон Астаповіч, старшыня Беларускага добраахвотнага таварыства аховы помнікаў гісторыі й культуры лічыць падобнае апраўданьне няўдалым:
Нягледзячы на аварыйны стан, на дрэнную якасьць матэрыялаў, існуе цэлы шэраг распрацаваных мэтодык, якія ўжываюцца і ў Эўропе, і па ўсім сьвеце, якія дазволілі б захаваць аўтэнтычнасьць гэтага крыла.
-
Пазняк прэзентаваў кнігу «Віленшчына любімая і прыўкрасная». Там ёсць нават вершы па-французску
-
«70% мастакоў у чорных спісах». Мастак Сяргей Грыневіч пасля трыумфу ў Венецыі расказаў пра гады маўчання і пра тое, на якім свеце ён апынуўся
-
У наступную суботу ў Вільні пройдзе Сямейны беларуска-літоўскі фэст з літсцэнай
Цяпер чытаюць
У гадавіну смерці Жанны Фрыске Дзмітрый Шэпелеў распавёў, чаму не дазваляе сыну бачыцца з яе сваякамі16
Каментары