Праваслаўная Ікона з часціцай цярновага вянца прыбыла ў мінскі Свята-Духаў кафедральны сабор 21 лютага, дзе была даступная на працягу трох дзён, а затым яе перанеслі ў Аляксандра-Неўскі храм на Вайсковых могілках, дзе яна будзе знаходзіцца да 20 сакавіка (12:30).
«За гэты час у двух сталічных храмах святыні пакланіліся ўжо каля 10 тыс. чалавек», — распавёў ключнік Аляксандра-Неўскага храма горада Мінска пратаіерэй Дзімітрый Харошка.
З 20 сакавіка (16.00) да 27 красавіка (12:00) яна будзе знаходзіцца ў Раства-Багародзічным жаночым манастыры Гродна, з 27 красавіка (14:00) да 9 чэрвеня (13:30) — ва Успенскім Жыровіцкім мужчынскім манастыры, пасля чаго адбудзе ў Маскву.
Цярновы вянец Збавіцеля захоўваецца ў саборы Парыжскай Божай Маці. Шып ад цярновага вянца, які і знаходзіцца цяпер у Мінску, быў здабыты ў адным з швейцарскіх гарадоў, паведамляе БелТА.
Адмыслова для часціцы цярновага вянца была напісаная ікона Збавіцеля.
Каментары