Як паведамляе УУС Гродзенскага аблвыканкама, раніцай 3 сакавіка ў дзяжурную частку Навагрудскага РАУС паступіла паведамленне пра тое, што хтосьці спрабаваў падпаліць дом 90-гадовай бабулі па вуліцы Мінскай у райцэнтры. На месца выбылі супрацоўнікі міліцыі. Яны знайшлі на верандзе сляды гарэння: злёгку абсмаленыя дошкі, апаленую анучу, а таксама корак з-пад каністры з гаруча-змазачнымі матэрыяламі.
У ходзе расследавання аператыўнікі выйшлі на мясцовую жыхарку 1971 года нараджэння. Пры першай размове яна адмаўляла сваю датычнасьць да спробы падпалу.
Пры далейшым разглядзе высветлілася, што жанчына пазычыла ў пенсіянеркі 6 тыс. даляраў, аднак вярнуць грошы не магла. Тады яна вырашыла падпаліць дом бабулі, а яе сваякам сказаць, што вярнула доўг, але грошы згарэлі падчас пажару.
Што вядома пра віцебчука, якога вінавацяць у спробе падрыву самалёта ў Германіі12
Каментары