Следчы камітэт хоча купіць прыладу для «ўзлому» смартфонаў
На сайце дзяржзакупак з'явілася інфармацыя пра тэндар, абвешчаны Следчым камітэтам. Гэтае ведамства хоча набыць «пераносны апаратна-праграмны комплекс для капіявання (здымання) і аднаўлення схаванай і выдаленай інфармацыі з мабільных прыладаў сувязі, партатыўных навігацыйных прылад, знешніх назапашвальнікаў інфармацыі і смарт-картак».
Прыстасаванне павінна ўмець зняць інфармацыю не менш як з 17 135 мадэляў тэлефонаў, навігатараў і смарт-картак, якія працуюць пад Apple iOS, Android, Bada, BlackBerry, Brew, Java, PalmOS, Symbian, WindowsMobile, WindowsPhone і іншымі аперацыйнымі сістэмамі.
Следчы камітэт плануе атрымліваць аўтаномны доступ да кантактаў, SMS і MMS, журнала званкоў, фота, відэа-і аўдыёзапісаў, галасавых нататак і звестак з SIM-картак тэлефонаў. Акрамя таго прылада павінна вызначаць коды доступу і блакавання, здабываць геададзеныя з GPS-прылад, кланаваць ідэнтыфікацыйную інфармацыю і з дапамогай адмысловай відэакамеры фіксаваць фота- і відэамалюнкі, а таксама скрыншоты экрана непасрэдна ды вызначаць разблакоўкі мабільных прыладаў.
Акрамя таго, комплекс павінен умець атрымаць, расшыфраваць і дэкадаваць структуру файлавых сістэм мабільных прыладаў вытворчасці кампаній Apple і Blackberry, а таксама прыладаў на базе аперацыйнай сістэмы Android.
Як адзначае kyky.org, над падобнай задачай, сутыкнуўшыся з супрацівам Apple, цяпер працуе ФБР, і яго поспехі пакуль невялікія. Эксперт у пытаннях інфармацыйнай бяспекі у каментары беларускаму СМІ заявіў, што зрабіць прыладу, якую абазначыў Следчы камітэт, немагчыма. Хаця недарагія апараты можна будзе «ўзламаць».
-
Назад да ручкі і забарона на смартфоны: універсітэты вымушаныя змяняць фармат заняткаў і кантрольных, інакш ШІ не дае ні вучыць, ні праверыць
-
Google запусціла Gemini 3.5 Transcribe для расшыфроўкі мовы. У спісе ёсць і беларуская
-
Цім Кук развітаўся з пасадай генеральнага дырэктара Apple пасля 15 гадоў кіраўніцтва
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў31
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары