У т.зв. «Данецкай народнай рэспубліцы» ўручылі першыя пашпарты «ДНР». У ліку першых атрымальнікаў быў кіраўнік рэспублікі Аляксандр Захарчанка. У кіраўніцтве «ДНР» гэтую інфармацыю пацвердзілі.
Пакуль не ясна, ці змогуць уладальнікі такіх дакументаў выкарыстоўваць іх для выезду за межы «ДНР». Масква пакуль не пацвердзіла інфармацыю аб правамоцнасці перасячэння мяжы з Расіяй па такім пашпарце.
На сайце Данецкага агенцтва навінаў гаворыцца, што новыя дакументы атрымалі 20 падлеткаў, якім споўнілася 16 гадоў.
У суседняй т.зв. «ЛНР» уласныя пашпарты выдаюцца з мая 2015 года.
Адной з прычын выдачы ўласных дакументаў улады самаабвешчаных «рэспублік» называюць «замену Украінай пашпартоў на біяметрычныя», што нібыта пазбавіць жыхароў рэгіёну якіх-небудзь дакументаў.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс1818
Каментары