Еўракамісія ў сераду вылучыла заканадаўчую прапанову адмяніць візы для грамадзян Косава.
Пра гэта заявіў еўракамісар па ўнутраных справах і пытаннях міграцыі Дзімітрыс Аўрамопулас.
Прапанова была пададзеная разам са станоўчай ацэнкай Еўракамісіі, якая пацвярджае, што Косава выканала патрабаванні «дарожнай карты» па лібералізацыі візавага рэжыму.
«Гэта вынік напружанай працы і паспяховых намаганняў уладаў Косава ў правядзенні складаных рэформаў у сферы юстыцыі і ўнутраных спраў і за іх межамі, у прыватнасці ў такіх сферах, як вяршэнства права і рэформа правасуддзя», — адзначыў ён.
«Я ведаю, як важна гэта для народа Косава, і я вельмі задаволены дасягнутым прагрэсам. Я спадзяюся, што Еўрапейскі парламент і Рада ЕС вельмі хутка прымуць нашу прапанову», — падкрэсліў еўракамісар.
Раней еўракамісар Ёханэс Хан выказаў надзею, што грамадзяне Украіны, Грузіі і Косава змогуць ездзіць без візаў у ЕС у 2016 годзе.
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца99
Каментары