Украінца, які хацеў патаемна перабрацца ў Румынію, на мяжы затрымала сапраўдная мядзведзіца
На ўкраінскім Закарпацці адбыўся незвычайны выпадак: мужчына з Кіева, які спрабаваў незаконна перайсці мяжу з Румыніяй, сустрэўся па дарозе з дзікай мядзведзіцай.
Украінец самастойна спланаваў маршрут у абыход афіцыйных пунктаў пропуску і пайшоў у дарогу ноччу. Аднак падчас пераходу мяжы нечакана трапіў на драпежную жывёліну. Каб уратавацца, мужчына быў вымушаны залезці на дрэва і там заставаўся некаторы час.
Знаходзячыся на вышыні, ён спрабаваў звярнуцца па дапамогу, хоць да іншых ягоных нягод далучыліся і праблемы са сувяззю. У выніку яго знайшлі на тым дрэве вайскоўцы памежнай службы. Да таго моманту мядзведзіцы побач ужо не было.
Памежнікі дапамаглі мужчыну бяспечна спусціцца з дрэва і даставілі яго ў падраздзяленне. За спробу незаконнага перасячэння мяжы на яго склалі адміністрацыйны пратакол. Цяпер яму пагражае штраф або нават кароткатэрміновы арышт.
У памежнай службе падкрэслілі, што спробы нелегальнага пераходу мяжы вельмі небяспечныя і могуць пагражаць жыццю і здароўю. Пераходзіць праз мяжу, маўляў, трэба толькі законным спосабам.
«Вось яшчэ такі сюрпрыз». Мядзведзя заўважылі за 25 кіламетраў ад Мінска
Дзяўчынка сустрэла на лецішчы мядзведзя. Ён мірна адпачываў у двары
Пад Барысавам мядзведзіца нарадзіла ажно чатырох медзведзянят. Гэта вельмі рэдкі выпадак
«Нешта ў грыбы сёлета расхацелася». Пад Барысавам на полі пабачылі адразу пяць мядзведзяў
Цяпер чытаюць
Мінскія ўлады расказалі, як будуць змагацца з «акіянам аўтамабіляў» у дварах5
Каментары