Julie Jacobson / AP, Lucas Jackson / Reuters / Scanpix / LETA
Пасля таго, як Тэд Круз і Джон Кейсік выбылі з перадвыбарнай гонкі ў ЗША, мільярдэр Дональд Трамп застаўся адзіным кандыдатам у прэзідэнты ад рэспубліканцаў. У дэмакратычным лагеры лідзіруе Хілары Клінтан, якой прадракаюць перамогу над Берні Сандэрсам. The New York Times на аснове апытанняў грамадскай думкі змадэлявалі, хто перамог бы на выбарах амерыканскага прэзідэнта, калі б яны прайшлі проста зараз.
Як вынікае з апытанняў, Хілары Клінтан пераможа з досыць вялікай перавагай: 347 галасоў выбаршчыкаў супраць 191. У працэнтах адрыў менш значны — паводле апытанняў, Трамп атрымаў бы ўсяго на 10% галасоў менш, чым Клінтан. The New York Times параўноўвае цяперашняе становішча спраў Хілары Клінтан з вынікамі выбараў 2012 года, на якіх перамог Барак Абама: яна перамагла б у тых жа штатах, дзе і Абама, плюс у Паўночнай Караліне. Зараз былы дзяржсакратар лёгка пераадольвае планку ў 270 галасоў выбаршчыкаў, неабходных для абрання на найвышэйшую пасаду.
Калі Трамп паспее да лістапада, калі пройдуць выбары, павялічыць сваю папулярнасць у кожным з штатаў ўсяго на 5%, перамога Клінтан будзе куды менш упэўненай. Пры такім раскладзе яна атрымае толькі 285 галасоў выбаршчыкаў (што ўсё роўна дастаткова для перамогі), а Трамп - 253 галасы. Калі мільярдэру ўдасца дадаць яшчэ 5%, ён стане прэзідэнтам ЗША - з вынікам у 305 выбаршчыкаў супраць 233 у Клінтан.
The New York Times адзначае, што ў 1980 годзе ў маі дэмакрат Джымі Картэр апярэджваў рэспубліканца Рональда Рэйгана па дадзеных шматлікіх апытанняў — як і Хілары Клінтан цяпер. У лістападзе таго ж года Картэр прайграў выбары з 10-працэнтным адставаннем па агульнай колькасці галасоў, саступіўшы Рейгану практычна ва ўсіх штатах.
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары