Julie Jacobson / AP, Lucas Jackson / Reuters / Scanpix / LETA
Paśla taho, jak Ted Kruz i Džon Kiejsik vybyli ź pieradvybarnaj honki ŭ ZŠA, miljarder Donald Tramp zastaŭsia adzinym kandydatam u prezidenty ad respublikancaŭ. U demakratyčnym łahiery lidziruje Chiłary Klintan, jakoj pradrakajuć pieramohu nad Bierni Sandersam. The New York Times na asnovie apytańniaŭ hramadskaj dumki zmadelavali, chto pieramoh by na vybarach amierykanskaha prezidenta, kali b jany prajšli prosta zaraz.
Jak vynikaje z apytańniaŭ, Chiłary Klintan pieramoža z dosyć vialikaj pieravahaj: 347 hałasoŭ vybarščykaŭ suprać 191. U pracentach adryŭ mienš značny — pavodle apytańniaŭ, Tramp atrymaŭ by ŭsiaho na 10% hałasoŭ mienš, čym Klintan. The New York Times paraŭnoŭvaje ciapierašniaje stanovišča spraŭ Chiłary Klintan z vynikami vybaraŭ 2012 hoda, na jakich pieramoh Barak Abama: jana pieramahła b u tych ža štatach, dzie i Abama, plus u Paŭnočnaj Karalinie. Zaraz były dziaržsakratar lohka pieraadolvaje płanku ŭ 270 hałasoŭ vybarščykaŭ, nieabchodnych dla abrańnia na najvyšejšuju pasadu.
Kali Tramp paśpieje da listapada, kali projduć vybary, pavialičyć svaju papularnaść u kožnym z štataŭ ŭsiaho na 5%, pieramoha Klintan budzie kudy mienš upeŭnienaj. Pry takim raskładzie jana atrymaje tolki 285 hałasoŭ vybarščykaŭ (što ŭsio roŭna dastatkova dla pieramohi), a Tramp - 253 hałasy. Kali miljarderu ŭdasca dadać jašče 5%, jon stanie prezidentam ZŠA - z vynikam u 305 vybarščykaŭ suprać 233 u Klintan.
The New York Times adznačaje, što ŭ 1980 hodzie ŭ mai demakrat Džymi Karter apiaredžvaŭ respublikanca Ronalda Rejhana pa dadzienych šmatlikich apytańniaŭ — jak i Chiłary Klintan ciapier. U listapadzie taho ž hoda Karter prajhraŭ vybary z 10-pracentnym adstavańniem pa ahulnaj kolkaści hałasoŭ, sastupiŭšy Riejhanu praktyčna va ŭsich štatach.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary