Абнаўленне антывіруса ледзь не забіла чалавека падчас аперацыі на сэрцы ў амерыканскай клініцы
У адной з клінік ЗША падчас хірургічнай аперацыі на сэрцы важнае праграмнае забеспячэнне спыніла працу праз абнаўленне антывіруса. На шчасце, пацыента ўдалося выратаваць, перадае Softpedia.
Фота merge.com
Прыбор, з якім узнікла праблема, — комплекс Merge Hemo, які медыкі выкарыстоўваюць для кантролю працэдуры катэтарызацыі сэрца. Падчас катэтарызацыі ў вену або артэрыю ўводзяць асаблівую полую гнуткую трубку, каб вывучыць імаверныя паталогіі сэрца.
Падчас адной такой працэдуры экран камп'ютара, за якім сачылі медыкі, стаў чорным. Дактары вымушаныя былі перазапусціць прыбор, каб працягнуць аперацыю, змарнавалі на гэта каштоўныя хвіліны. Пацыент у гэты час быў пад наркозам.
Пазней высветлілася, што прычынай нечаканага збою стала праграма-антывірус, якая была ўсталяваная на камп'ютары і запраграмаваная на поўнае сканаванне камп'ютара штогадзіну. У выніку сканіраванне пачалося пасярод аперацыі, а неабходная медыкам праграмма завісла. Медыкі змаглі перазагрузіць кампутар і завяршыць працэдуру без якіх-небудзь рызык для здароўя пацыента.
Інцыдэнт адбыўся яшчэ ў лютым 2016 года, аднак інфармацыя пра яго стала больш вядомай толькі цяпер. Назву клінікі не разгалошваюць. Расследаванне паказала, што небяспечную для жыцця пацыента памылку здзейсніў чалавек, які ўсталёўваў антывірус і займаўся яго наладкамі.
Цяпер чытаюць
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго4
Каментары