У Беларусі засталося толькі 20 мядзведзяў, за год папуляцыя скарацілася ў 6 разоў
Белстат апублікаваў дадзеныя аб колькасці асноўных відаў паляўнічых жывёлаў. Каго ў беларускіх лясах паболела, а каго паменела?
Найбольшая папуляцыя ў зайцаў — іх 159 тысяч (прырост за год 7 тысяч). Услед ідуць вавёркі — 118 тысяч (+16 тысяч).
Амаль аднолькавая колькасць казуляў (75 тысяч, +3 тысячы) і баброў (72 тысячы, +9 тысячы).
Расце і колькасць ласёў. Іх цяпер 32 тысячы (+2 тысячы). Прыблізна столькі ж развялося андатраў (30 тысяч) і лісаў (27 тысяч).
А вось дзікоў, якіх некалькі гадоў таму, да пачатку эпідэміі свіной чумы, было каля 80 тысяч, цяпер засталося толькі 8 тысяч.
Але найбольш за год пацярпела папуляцыя мядзведзеў. У папярэднія гады ў Беларусі фіксавалася 110-120 асобін, а летась засталося 20 мядзведзяў. У Белстаце запэўнілі, што гэта не абдрукоўка, а праўдзівыя звесткі.
Каментары