З 1 ліпеня старшынства ў Радзе Еўрапейскага саюза па прынятым прынцыпе шасцімесячнай ратацыі перайшло да Славакіі.
Славакія, якая далучылася да ЕС толькі ў 2004 годзе, упершыню выконвае гэтыя паўнамоцтвы.
Славацкі прэм'ер-міністр Роберт Фіца заявіў, што будзе настойваць на змене вектару агульнаеўрапейскай палітыкі па многіх пытаннях, якія цяпер, на яго погляд, вырашаюцца неэфектыўна.
У першую чаргу гэта тычыцца праблемы мігрантаў.
«Істотныя рашэнні пра будучыню Еўропы не могуць грунтавацца на рашэннях аднаго або двух членаў саюза або рашэннях яго краін-заснавальнікаў», — лічыць Фіца.
У мінулым годзе кіраўніцтва Славакіі адмовілася ўдзельнічаць у плане па размеркаванні бежанцаў згодна з квотамі ў кожнай з краін Еўрасаюза.
Раней Роберт Фіца таксама выказаўся па праблеме «брэксіту» і прапанаваў лідарам ЕС сабрацца ў верасні ў Браціславе на нефармальны саміт, прысвечаны будучыні саюза ў выпадку выхаду з яго Вялікабрытаніі.
Цяпер чытаюць
Лукашэнка знайшоў незвычайныя словы для спачування Хаменеі: «вераломная атака»24
Каментары