Прэзідэнт Чэхіі Мілаш Земан заклікаў правесці рэферэндум па пытанні аб членстве краіны ў Еўрапейскім саюзе і НАТА — следам за галасаваннем у Вялікабрытаніі, па выніках якога Злучанае Каралеўства вырашыла выйсці з ЕС.
Прэзідэнт Чэхіі мае пераважна сімвалічныя паўнамоцтвы. Ён не мае права прызначаць рэферэндум, калі яго вынікі могуць прывесці да зменаў у канстытуцыі.
Аднак Мілаш Земан карыстаецца ў Чэхіі даволі вялікім палітычным уплывам, а многія выбаршчыкі скептычна настроены ў адносінах да Еўрасаюза, у які краіна ўступіла ў 2004 годзе.
Земан заявіў, што сам ён выступае за захаванне членства Чэхіі ў абедзвюх арганізацыях - і ў ЕС, і ў Паўночнаатлантычным альянсе.
«Я не згодны з тымі, хто выступае за выхад з Еўрапейскага саюза. Але я буду рабіць усё, каб яны атрымалі магчымасць выказаць сваё меркаванне на рэферэндуме. Тое ж самае тычыцца і членства ў НАТА», - цытуе чэшскага прэзідэнта Рэйтэр.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары