У Дзярждэпартаменце ЗША бачылі паведамленні аб затрыманні ў Крыме «ўкраінскіх дыверсантаў», якія «рыхтавалі тэракт», аднак не гатовыя рабіць заявы з гэтай нагоды.
Пра гэта заявіла ў сераду на брыфінгу прадстаўнік ведамства Элізабэт Трудо, перадае «Інтэрфакс-Украіна».
«Мы бачылі гэтыя паведамленні. Мы раім звяртацца па дадатковую інфармацыю да ўрада Украіны», — сказала яна.
Прадстаўніца Дзярждэпу адзначыла, што ведамства непасрэдна кантактуе з украінскімі калегамі па гэтым пытанні.
«Мы не хочам, каб нас адцягвалі ад рэальнай праблемы — а менавіта ад расейскай акупацыі і спробы анексіі Крыма і агрэсіі, якая працягваецца на ўсходзе Украіны», — дадала яна.
Як вядома, у сераду расейская ФСБ распаўсюдзіла заяву аб нібыта дзвюх спробах украінскіх вайскоўцаў напасці на Крым і зладзіць там тэракты, падчас якіх загінулі расійскі ваенны і баец ФСБ.
Прэзідэнт Расіі Уладзімір Пуцін абвінаваціў улады Украіны ў тым, што яна «пераходзіць да тэрору».
Украінскі Генштаб назваў гэтыя заявы правакацыяй, а сакратар СНБА Аляксандр Турчынаў — істэрычнымі і лжывымі.
Прэзідэнт Пётр Парашэнка назваў фантазіямі абвінавачванні Расіі на адрас украінскіх вайскоўцаў у падрыхтоўцы тэрактаў у Крыме.
-
Двое беларусаў, якія мелі сувязі з расійскай вайсковай прамысловасцю, прызналі сваю віну ў Літве
-
«Каб увесь свет гаварыў па-руску, вывучайце аўтамат Калашнікава». У Расіі ўдзельнік вайны даў наказ школьнікамі 1 верасня
-
Праз 30 гадоў суд назваў вінаватага ў забойстве Тупака Шакура — аднаго з самых уплывовых рэпераў у гісторыі
Цяпер чытаюць
31‑гадовы расіянін акруціў 17‑гадовую беларуску. Фінал гісторыі страшны: турма за наркотыкі, смерць дзіцяці, «СВА» і скрадзеныя грабавыя9
Каментары