U Dziarždepartamiencie ZŠA bačyli paviedamleńni ab zatrymańni ŭ Krymie «ŭkrainskich dyviersantaŭ», jakija «rychtavali terakt», adnak nie hatovyja rabić zajavy z hetaj nahody.
Pra heta zajaviła ŭ sieradu na bryfinhu pradstaŭnik viedamstva Elizabet Trudo, pieradaje «Interfaks-Ukraina».
«My bačyli hetyja paviedamleńni. My raim źviartacca pa dadatkovuju infarmacyju da ŭrada Ukrainy», — skazała jana.
Pradstaŭnica Dziarždepu adznačyła, što viedamstva niepasredna kantaktuje z ukrainskimi kalehami pa hetym pytańni.
«My nie chočam, kab nas adciahvali ad realnaj prablemy — a mienavita ad rasiejskaj akupacyi i sproby anieksii Kryma i ahresii, jakaja praciahvajecca na ŭschodzie Ukrainy», — dadała jana.
Jak viadoma, u sieradu rasiejskaja FSB raspaŭsiudziła zajavu ab nibyta dźviuch sprobach ukrainskich vajskoŭcaŭ napaści na Krym i zładzić tam terakty, padčas jakich zahinuli rasijski vajenny i bajec FSB.
Prezident Rasii Uładzimir Pucin abvinavaciŭ ułady Ukrainy ŭ tym, što jana «pierachodzić da teroru».
Ukrainski Hienštab nazvaŭ hetyja zajavy pravakacyjaj, a sakratar SNBA Alaksandr Turčynaŭ — isteryčnymi i łžyvymi.
Prezident Piotr Parašenka nazvaŭ fantazijami abvinavačvańni Rasii na adras ukrainskich vajskoŭcaŭ u padrychtoŭcy teraktaŭ u Krymie.
Ciapier čytajuć
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary