Рэальныя наяўныя грашовыя даходы беларусаў у першым паўгоддзі скараціліся на 7% у адносінах да такога ж перыяду мінулага года. Пра гэта паведамляе Белстат. Такім чынам, антырэкорд, які быў устаноўлены ў студзені-маі ўдалося замацаваць на папярэднім месяцы.
Рэальныя грашовыя даходы беларусаў (гэта значыць грашовыя даходы за вылікам падаткаў, збораў і ўзносаў, скарэктаваныя на індэкс спажывецкіх цэн на тавары і паслугі) падаюць ад пачатку года.
Да прыкладу, у студзені яны скараціліся на 5,4% да аналагічнага перыяду 2015 года, у студзені-лютым — на 6,4%, у студзені-сакавіку — на 6,5%, у студзені-красавіку — на 6,8%, а ў студзені-маі — на 7%.
Нагадаем, па выніках 2015 года рэальныя грашовыя даходы ўпалі на 5,9%.
Сёлета ўрад планаваў, што рэальныя даходы сціпла вырастуць на 0,5%.
Што тычыцца структуры грашовых даходаў, то яна таксама не змянілася: аплата працы займае 61,6%, даходы ад прадпрымальніцкай і іншай дзейнасці, якая прыносіць прыбытак, — 8,1%, трансферты насельніцтву (пенсіі, дапамогі, стыпендыі і іншыя трансферты насельніцтву) — 24,3%, даходы ад уласнасці і іншыя даходы — 6%.
Цяпер чытаюць
Сталі вядомыя падрабязнасці пра трагедыю ў Полацкім манастыры11
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары