Прэзідэнт Філіпінаў Радрыга Дутэртэ параўнаў сябе з фюрэрам нацысцкай Германіі Адольфам Гітлерам, заявіўшы, што з радасцю знішчыў бы наркаманаў і наркагандляроў ў сваёй краіне. Пра гэта паведамляе Reuters.
Прыбыўшы ў горад Даваа пасля візіту ў В'етнам, Дутэртэ адзначыў, што крытыкі назвалі яго «стрыечным братам Гітлера». Нагадаўшы, што Гітлер забіў мільёны яўрэяў, Дутэртэ сказаў, што на Філіпінах тры мільёны наркаманаў. «Я быў бы шчаслівы забіць іх», — падкрэсліў ён.
«Калі ў Германіі быў Гітлер, то ў Філіпінаў ёсць …» - сказаў ён, зрабіў паўзу і паказаў на сябе.
Яго словамі былі шакаваныя яўрэйскія арганізацыі ў ЗША. Яны заявілі, што маюць намер аказаць ціск на Вашынгтон, каб ён заняў больш жорсткую пазіцыю ў адносінах да філіпінскага лідара.
Раней Дутэртэ ўжо крайне негатыўна выказваўся пра прэзідэнта ЗША Барака Абаму, генеральнага сакратара ААН Пан Гі Муна ды іншых асобаў.
Каментары