У загінулай у ГЦ «Еўропа» 43-гадовай жанчыны засталася дачка, паведаміў у сацсетках лідар РГА «Перспектыва» Анатоль Шумчанка. Жанчыну звалі Алена.
«Дзяўчына, якую забілі, выйшла на замену ў ГЦ «Еўропа» гандляваць акулярамі! Пра яе вядома, што яна сірата і ў яе дзіця інвалід. ГЦ «Еўропа» узяў на сябе ўсе выдаткі па пахаванні… ІП на ГЦ «Еўропа» грошы збіраюць!» — напісаў Шумчанка.
Адна з прадаўцоў распавяла kp.by, што калі прыехала хуткая, акрываўленая Алена (загінулая жанчына) яшчэ дыхала. У яе ёсць дачка ёй 21 год, а сама яна сірата. Калі ўсё здарылася, у яе разрываўся тэлефон.
Шумчанка таксама паведаміў, што развітанне з Аленай адбудзецца ў аўторак у 12.40 у рытуальнай зале па адрасе Даўгінаўскі тракт, 160А.
Нагадаем, што ўчора, 8 кастрычніка, ў гандлёвым цэнтры «Еўропа» ў цэнтры Мінска хлопец 1998 года нараджэння з бензапілой і сякерай напаў на наведвальнікаў. Адна жанчына была параненая, яшчэ адна загінула.
РЕБЯЯЯЯЯЯТ
Меня чуть не убили в ТЦ Европа
Ходил парень с пилой и автоматом
Все выбегали как ненормальные pic.twitter.com/NQDafIiXkz
АНТ са спасылкай на міліцыю ў «Навінах» паведаміў, што гэта была супрацоўніца крамы. Яна адышлася з працоўнага месца купіць калготкі. Пазней СК паведаміў, што яна 1973 г.н.
Па факце нападу распачата крымінальная справа, паведаміў 9 кастрычніка журналістам у Мінску першы намеснік старшыні Следчага камітэта Аляксей Волкаў.
«Па гэтым факце заведзена крымінальная справа. Яна прынята да вытворчасці следчымі цэнтральнага апарата Следчага камітэта. Праводзяцца следчыя дзеянні», — паінфармаваў БелТА Волкаў.
Нападнік быў адзін. А чуткі пра тое, што нападнікаў было некалькі, звязаныя з тым, што чалавека бачылі спачатку з бензапілой, потым з сякерай, растлумачылі ў Следчым камітэце.
Міліцыя з месца здарэння паведаміла падрабязнасці трагедыі.
«Малады чалавек 1998 года нараджэння ў 17:28 прыйшоў у ГЦ «Еўропа». Ён быў добра апрануты, у яго быў чахол для гітары, у якой была сякера, а пры сабе бензапіла. Ён заведзенай бензапілой прычыніў цялесныя пашкоджанні жанчыне, яна памерла. Потым расшпіліў чахол, дастаў сякеру і пачаў пагражаць пакупнікам. Грамадзян было няшмат, тры-чатыры чалавекі.
У 17:34 паступіў першы званок у дзяжурную частку ГУУС,
у 17:35 прыбыў першы нарад…
У 17:38 нападнік быў затрыманы. Ён знаходзіцца ў дзяжурнай частцы РУУС».
Заява міліцыі (відэа)
Цела загінулай ляжала на першым паверсе ГЦ «Еўропа», каля ўваходу ў кавярню. Яно было бачнае з вуліцы толькі з аднаго ракурсу — на асветленым лапіку падлогі між сталамі.
Насуперак чуткам першых хвілін, паведамляў карэспандэнт НН, галава ахвяры не адрэзаная. На падлозе была відаць кроў. Тэрыторыю вакол цела вывучалі следчыя — некалькі чалавек у цывільным.
Апытанка
Бліжэйшым часам будуць вызвалены больш за 150 палітзняволеных39
Каментары