Трагедыя ў гандлёвым цэнтры «Еўропа» адбылася невыпадкова. За 20 хвілін хады ад ГЦ, або за некалькі прыпынкаў на тралейбусе, знаходзіцца магазін, дзе забойца набыў бензапілу, сякеру і амуніцыю. І ў гэтым жа раёне, усяго ў 400 метрах ад гэтай крамы, знаходзіцца дом бацькі Уладзіслава, піша kp.by.
Дарэчы, калісьці ў гэтым доме здарыўся пажар. І вінаватым у пажары быў бацька Улада.
— Гэта бацькоўскі дом, і па спадчыне ён падзелены на дзве кватэры. У адной частцы дома жыве бацька Улада Валянцін, а ў другой — я з жонкай. Але мы тут жывём усяго два гады. Да гэтага тут жыла мая дачка. Ці жыў тут Улад? Можа, да гадоў двух-трох. Потым ён з'ехаў з маці, — распавядае сваяк Улада Валерый Мікалаевіч. — Валянцін нармальны мужык: не п'е, не курыць. Але цесна мы не кантактуем. «Добры дзень» скажам, і ўсё. Улада ж бачыў ўсяго адзін раз — на пахаванні. Хлопец як хлопец.
- А як вы даведаліся, што Улад напаў на людзей у гандлёвым цэнтры?
— Прыйшла міліцыя. І мы ўсё супаставілі. Уладу толькі ў снежні будзе 18 гадоў.
— Пасля таго, што здарылася размаўлялі з яго бацькам?
— Не, — качае галавой мужчына.
— Відаць, што ён вельмі перажывае — падключаецца да размовы яго жонка. — Такі пануры ішоў па вуліцы…
— Кажуць, што Улад з забяспечанай сям'і.
— Мы ніколі не былі ў гасцях у сваяка. Нас ніхто не запрашаў. Паміж намі стаіць двухметровы плот. Мы нават не ведаем, кім працуе Валянцін. Але ў яго недарагая машына — ён сам яе рамантаваў. Ведаю, што ў яго цесць паралізаваны. Ён яго глядзіць.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары