Новая партыя Украіны: «Мы адновім і мадэрнізуем ядзерны арсенал»
На з’ездзе новай украінскай палітычнай сілы — партыі «Нацыянальны корпус» — у якасці адной з праграмных мэт арганізацыі было названа аднаўленне баявога атамнага патэнцыялу Украіны.
З прэзентацыяй праграмы партыі выступаў Дзмітро Кухарчук, кіраўнік «Цывільнага корпуса Азоў» — грамадскай арганізацыі, якая роднасная палку Нацыянальнай гвардыі «Азоў».
«Сусветная супольнасць здрадзіла Будапешцкаму мемарандуму, яны здрадзілі нам… Еўрапейскі Саюз і ЗША паказалі сваю няздольнасць, пасіўнасць, бяздарнасць перад рэальнай пагрозай», — сказаў выступоўца.
«Мы створым уласны саюз — з Польшчай, Літвой, Латвіяй, Эстоніяй і з іншымі краінамі, якія нам блізкія па гісторыі і культуры. Гэта будзе саюз ад Балтыйскага да Чорнага мора. Які зможа пастаяць за сябе на ваеннай і палітычнай арэне», — дадаў ён.
«Перш за ўсё мы адновім і мадэрнізуем ядзерны арсенал Украіны», — заявіў Кухарчук, спасылаючыся на тое, што толькі атамная зброя будзе гарантыяй ад магчымай агрэсіі.
Гэтую заяву зал сустрэў воплескамі.
Кіраўнік ЦК «Азоў» таксама паведаміў пра планы аднаўлення ўкраінскай прамысловасці ў авіяцыйнай і ракетнай галіне.
Прапануецца таксама падзяліць армію на прафесійна-кантрактную частку, якая будзе ваяваць на фронце, і армію абароны Украіны, якая будзе фарміравацца і дзейнічаць па тэрытарыяльным прынцыпе.
Таксама агучаная ідэя стварэння ўкраінскага Замежнага Легіёна для дзеянняў за межамі Украіны.
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА44
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны44
Каментары