Міністру па справах міграцыі Бельгіі Тэа Франкену пагражае канфіскацыя маёмасці з-за яго паслядоўных адмоў даць прытулак у краіне сірыйскай сям'і. Раней тры судовыя інстанцыі пацвердзілі, што сям'я з Алепа заслугоўвае прытулку, аднак Франкен рашэнне судоў праігнараваў, паведамляе ВВС.
У панядзелак міністр выклаў у фэйсбуку сваю фатаграфію ў пустым пакоі. Подпіс да яе абвяшчаў, што ўсю мэблю з офіса забралі судовыя прыставы, бо Франкен не выканаў рашэнне суда.
«З мэбляй ці без — мы працягнем працаваць», — заявіў міністр.
Пазней прадстаўнік міністра растлумачыўі, што гэта быў жарт і мэблю ў Франкена пакуль не забралі, хаця такая пагроза існуе і папярэджанне аб магчымым вопісу маёмасці было ўручанае Франкену яшчэ ў панядзелак.
Суд прызначыў Франкену штраф у памеры 4450 даляраў у дзень за невыкананне рашэння судоў ніжэйшай інстанцыі аб прадастаўленні прытулку сям'і з Алепа, у якой ёсць сваякі ў Бельгіі.
Франку ігнаруе рашэнне суда свядома: раней ён заяўляў, што сувязь сям'і з Бельгіяй недастаткова відавочная і ён не будзе даваць сям'і прытулак, таму што гэта «адкрые дзверы хаосу міграцыі».
Памер штрафу, па сцвярджэнні самога міністра, ужо вырас прыкладна да 30 тыс еўра. Як паведаміла прадстаўніца Франкена, яго ведамства падало апеляцыі супраць штрафу і супраць рашэння, якое абавязвае міністра даць прытулак сірыйскай сям'і.
Цяпер чытаюць
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў4
Каментары