Еўрапейскі бок пакуль не хоча даваць Беларусі пераходны перыяд у пагадненні аб рэадмісіі, якое з'яўляецца часткай візавых дамоўленасцяў з ЕС.
Пра гэта заявіла намеснік кіраўніка МЗС Алена Купчына, паведамляе TUT.BY.
Па словах Купчыной, у Беларусі і ЕС застаюцца «адкрытыя пытанні» на перамовах аб спрашчэнні візавага рэжыму, якія з'явіліся ў святле новай міграцыйнай сітуацыі ў Еўропе.
«Трэба растлумачыць пазіцыі бакоў, Еўропа сама не ведае часам, што ёй рабіць з міграцыйнымі патокамі. Мы пачыналі гэтыя перамовы, калі была адна сітуацыя — адносна бяспечная ў Еўропе, а цяпер вы бачыце самі, што адбываецца».
Намеснік міністра адзначыла, што Беларусь цікавіць у першую чаргу пагадненне аб рэадмісіі. Яно ў тым ліку прадугледзіць абавязак Беларусі прымаць назад нелегальных мігрантаў, якія трапяць у ЕС з нашай тэрыторыі, і самастойна клапаціцца аб іх вяртанні ў тыя краіны, адкуль яны з'ехалі першапачаткова.
«Мы гатовыя прымаць гэтыя абавязкі, але ёсць пытанне пераходнага перыяду, які нам пакуль не даецца. Беларусь хацела б трохгадовы пераходны перыяд, які прадастаўляецца іншым краінам, напрыклад, Расіі, Украіне і Турцыі. Гэта не пытанне нашай негатоўнасці да абавязкаў, мы хочам іх годна выканаць».
Таксама не знятае пытанне з дыпламатычнымі пашпартамі. Еўрасаюз хоча пераканацца ў гарантыях бяспекі для ўладальнікаў такіх дакументаў у Беларусі.
«Гэта не ключавое пытанне, яно тэхнічае. Нас просяць пра дадатковыя гарантыі бяспекі нашых дыппашпартоў. Мы адна з самых дысцыплінаваных краін у плане дакументаў і міграцыйных пытанняў. Я не разумею, якія гарантыі задаволілі б еўрапейскі бок. Гэта абмяркуюць тэхнічныя спецыялісты».
Купчына не гатовая даць прагноз, калі перамовы скончацца, таму што гэта залежыць не толькі ад Беларусі, а і ад пазіцыі ўсіх 28 краін ЕС.
Па пагадненні аб спрашчэнні візавага рэжыму кошт шэнгенскай візы зменшыцца з 60 да 35 еўра.
Цяпер чытаюць
ЗША паведамілі, што вызваленне палітвязняў у Беларусі «адкладзенае на некаторы час»21
Каментары