У 928‑старонкавае выданне, надрукаванае накладам тысяча асобнікаў, уключана каля 25 тыс. слоўнікавых артыкулаў і 50 тыс. слоў.
У інтэрв’ю БелаПАН А.Астравух паведаміў, што ў 928‑старонкавае выданне, надрукаванае накладам тысяча асобнікаў, уключана каля 25 тыс. слоўнікавых артыкулаў і 50 тыс. слоў. У кнігу ўвайшлі фразеалагізмы ідыш — прыказкі і прымаўкі, пажаданні і прывітанні, загадкі і скорагаворкі, а таксама каламбуры, цытаты з яўрэйскіх песень, анекдотаў і літаратурных твораў. Пры складанні кнігі, работа над якой заняла 10 гадоў, А.Астравух выкарыстаў мноства слоўнікаў, што выходзілі ў розных краінах у XIX—XX стагоддзях. Спонсарам выдання, надрукаванага на мелаванай паперы, выступіў прадпрымальнік з Санкт‑Пецярбурга Андрэй Гарбенка.
Кнігу А.Астравух прысвяціў памяці сваіх настаўнікаў: Соф’і Рохкінд, якая ў 1940 годзе выдала ў Мінску ў суаўтарстве ідыш‑рускі слоўнік на 20 тыс. слоў; загадчыцы бібліятэкі Мінскага аб\’яднання яўрэйскай культуры імя Ізі Харыка Дзіны Харык; яўрэйскага паэта Гірша Рэлеса; тэатральнага і музычнага дзеяча Майсея Свірноўскага.
«Мэтай кнігі было сабраць разам пад адной вокладкай усё самае лепшае ў ідыш, той яўрэйскі скарб, які злы лёс раскідаў па розных краінах, мовах і друкаваных выданнях», — гаворыцца ў аўтраскай прадмове.
Гэты слоўнік з’яўляецца другім выданнем такога кшталту ў гісторыі краіны і самым аб’ёмным. Першы ідыш‑беларускі слоўнік на 8 тыс. слоў, складзены пры ўдзеле Самуіла Плаўніка (Змітрок Бядуля), выйшаў у 1932 годзе. «У яўрэйскім сектары Беларускай акадэміі навук у 1920—1930‑я гады была сабрана велізарная картатэка на 100 тыс. слоў, аднак яна загінула ў гады вайны», — зазначыў А.Астравух.
Ён вывучае мову ідыш з 1984 года. У 2004 годзе скончыў Вільнюскі яўрэйскі інстытут Вільнюскага універсітэта (Літва). Цяпер А.Астравух працуе над стварэннем ідыш‑рускага слоўніка.
«Усе экстрэмісты ці ўжо асуджаныя, ці з'яўляюцца фігурантамі спраў, якія будуць разгледжаны судамі». Швед падводзіць рысу пад рэпрэсіямі?6
Каментары