На працягу 2016 года на Данбасе загінулі 211 вайскоўцаў узброеных сіл Украіны. Пра гэта ў Марыупалі 31 снежня заявіў прэзідэнт Украіны Пятро Парашэнка, паведамляе pravda.com.ua.
«Цягам толькі гэтага года 211 ваеннаслужачых ВСУ аддалі сваё жыццё за мір і свабоду», — заявіў Парашэнка. Ён пасмяротна ўзнагародзіў званнем Герой Украіны 21-гадовага Мікіту Яравога, які загінуў у баі ў пасёлку Луганскае.
Таксама Парашэнка абвясціў пра адкрыццё ў Марыупалі абноўленага назіральнага пункта. «Ён абсталяваны найноўшай сістэмай выяўлення, папярэджвання і ідэнтыфікацыі цэлі», — сказаў Парашэнка. Паводле яго, плануецца ўстаноўка яшчэ 5 такіх комплексаў, якія «бачаць паветра, ваду і зямлю».
Ён таксама паведаміў, што ў суботу падчас яго знаходжання ў раёне Шырокіна ў 4 км ад дэлегацыі адбыўся абстрэл і спроба штурму:
«Мы маем справу з расійскім ворагам, у якога нічога святога, нават Раства. Ніякай цішыні, пра якую дамовіліся ў Мінску, так і не наступіла. Нават цяпер, калі мы былі каля Шырокіна ў 4 км ад нас быў артылерыйскіх абстрэл і спроба штурмавых дзеянняў».
Цяпер чытаюць
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3636
Каментары