«Белджы» адмовіўся ад ідэі серыйнага выпуску першага беларускага электрамабіля
Завод «БелДжы» у Барысаве, дзе выпускаюць аўтамабілі Geely і Belgee, адмовіўся ад серыйнай вытворчасці мадэлі BELGEE EX50, якую называлі «першым беларускім электрамабілем». Гендырэктар прадпрыемства Генадзь Свідзерскі растлумачыў, што запуск гэтай мадэлі занадта дарагі для Беларусі.
Па словах Генадзя Свідзерскага, хоць распрацоўшчыкі і завяршылі ўсе тэхнічныя работы, эканамічны аналіз засведчыў, што серыйны выпуск гэтай мадэлі ў нашых умовах не мэтазгодны. Замест гэтага завод плануе пашырыць лінейку электракарам і гібрыдам. У Беларусі, лічыць кіраўніцтва завода, будуць больш запатрабаваныя недарагія электракары, а ў Расіі — гібрыдныя мадэлі.
У якасці альтэрнатывы прадпрыемства рыхтуе да запуску гібрыдны красовер BELGEE X80, створаны на базе Geely Galaxy Starship 7. Сертыфікацыю плануюць завяршыць ужо ў пачатку верасня, але кошт мадэлі пакуль не называюць.
Яшчэ адной навінкай стане электрамадэль Geely E22H (у Кітаі яна вядомая як Geely Geome Star Wish). У Беларусі яе будуць збіраць буйнымі вузламі, а продажы павінны пачацца ў кастрычніку. У Кітаі такія машыны летась каштавалі ад 9900 долараў, але на беларускім другасным рынку цэны цяпер перавышаюць 17 тысяч.
Раней Свідзерскі адзначаў, што беларусы змогуць убачыць першы «свой» электрамабіль не раней за 2027 год. Да гэтага часу «БелДжы» сабраў толькі пяць эксперыментальных узораў BELGEE EX50.
Цяпер чытаюць
Дзе працуюць і як выглядаюць жонкі топ-чыноўнікаў?14
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары
Сделайте цену на ЕХ5 и Star Wish ,как на родине и спрос будет.
ABS-ESP, ці праграмнага забеспячэння ? )
я нават маўчу пра батарэі (і акупляльны "тыраж")
А МотаВела кітайцы сабатуюць?
А вось МТЗ яны не сабатуюць дакладна, бо большасць рухавікоў там на трактарах - фірмы ВЕЙЧАЙ