Пракуратура горада Мінска вывучыла матэрыялы крымінальнай справы ў дачыненні да 27-гадовага мінчука, што дрыфтаваў на Mercedes-Benz S300 на плошчы Перамогі. Аказалася, што мужчына ў момант здзяйснення злачынства быў п'яны. Аб гэтым паведамляецца на сайце Генеральнай пракуратуры Беларусі.
У ходзе правядзення праверкі следчыя высветлілі, што кіроўца знаходзіўся ў стане алкагольнага ап'янення. Вывучэнне крымінальнай справы паказала, што папярэдняе расследаванне праведзена ўсебакова, поўна і аб'ектыўна. Крымінальная справа накіраваная ў суд Партызанскага раёна для разгляду, — распавялі auto.tut.by ў сталічнай пракуратуры.
У ноч на 29 лістапада 27-гадовы мінчук зладзіў дрыфт на плошчы Перамогі і трапіў у поле зроку праваахоўнікаў. Кіроўца паспрабаваў збегчы, але быў затрыманы супрацоўнікамі ДАІ. Інспектары склалі на парушальніка шэсць адміністрацыйных пратаколаў. Два пратаколы атрымаў пасажыр Mercedes.
У сярэдзіне снежня кіроўцу Mercedes пазбавілі правоў на 18 месяцаў і аштрафавалі на 630 рублёў. Штраф у шэсць базавых велічынь (126 рублёў) атрымаў і пасажыр Mercedes, які здымаў дрыфт на відэа.
Пазней кіроўца Mercedes прайшоў судова-псіхіятрычную экспертызу, якая паказала, што ён мог у поўнай меры ўсведамляць значэнне сваіх дзеянняў і кіраваць імі. На падставе сабраных доказаў мужчыну прад'явілі абвінавачванне па ч. 1 арт. 339 (Хуліганства) і ч. 2 арт. 346 (Здзек з гісторыка-культурных каштоўнасцей) Крымінальнага кодэкса Рэспублікі Беларусь.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары