Патрыярх Маскоўскі і ўсяе Русі Кірыл, выступаючы на Калядных чытаннях у Дзярждуме, прапанаваў дэпутатам падумаць аб мэтазгоднасці стварэння ў краіне спецыяльных банкаў для бедных слаёў насельніцтва, перадае ВВС.
Паводле яго слоў, падобная фінансавая сістэма паспяхова існуе ў Індыі.
«Часам чалавеку проста трэба было 200 даляраў, каб пачаць сваю справу. І вось знайшоўся чалавек, сам з беднякоў, які стварыў выдатную сістэму банкаў для бедных — без гэтых шалёных працэнтаў, без таго, каб закабаляць людзей. Але часам гэтыя 200-300 даляраў дапамагалі чалавеку пачаць сваю справу. Гэтая ініцыятыва была вельмі высока ацэненая тымі, з кім мне даводзілася яе абмяркоўваць», — распавёў прадстаяцель РПЦ аб індыйскім досведзе.
Магчыма, прадстаяцель РПЦ меў на ўвазе бізнэсмэна з Бангладэш, які нарадзіўся ў брытанскай Індыі, Мухамада Юнуса.
Кірыл таксама сказаў, што лічыць амаральнай «практыку ліхвярства» ў галіне мікракрэдытаў для насельніцтва.
«Многія сем'і ў нашай краіне пацярпелі ад мікракрэдытаў. Дробныя крэдыты, кароткатэрміновыя пазыкі, якія прадастаўляюць часцей за ўсё малазабяспечаным людзям. Яны бяруць крэдыты, не разумеючы, у якую даўгавую яму ўвязваюцца. Гэта абсалютна амаральная практыка ліхвярства», — сказаў ён.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары