«Гэта ўнікальны момант, калі прэзідэнт ЗША, прэзідэнт Расіі і прэзідэнт Кітая выступаюць супраць еўрапейцаў», — сказаў прэзідэнт Францыі.
Еўрапейцы павінны актывізавацца і абараняць уласныя інтарэсы, бо ЗША, Кітай і Расія цяпер «рашуча супраць» іх, папярэдзіў у пятніцу прэзідэнт Францыі Эмануэль Макрон.
«Не варта недаацэньваць, што гэта ўнікальны момант, калі прэзідэнт ЗША, прэзідэнт Расіі і прэзідэнт Кітая выступаюць супраць еўрапейцаў. Таму гэта правільны час для нас прачнуцца», — заявіў Макрон падчас дыскусіі з прэм’ер-міністрам Грэцыі Кірыякасам Міцатакісам, арганізаванай газетай Kathimerini у Афінах, піша Politico.
«Мы павінны быць крыху больш упэўненымі ў сабе і прапаноўваць уласны парадак дня», — дадаў ён.
Французскі прэзідэнт таксама заявіў, што чакае, што напружанасць з ЗША будзе працягвацца і пасля прэзідэнцтва Дональда Трампа.
«Гэта гістарычная тэндэнцыя. Мы можам супрацоўнічаць з ЗША па некаторых пытаннях, і гэта ўсё яшчэ мае сэнс з-за агульных каштоўнасцяў і гістарычных сувязяў, але я сапраўды лічу, што такі падыход ЗША захаваецца», — адзначыў ён.
Ён падкрэсліў, што галоўная розніца паміж першым і другім тэрмінамі Трампа ў тым, што многія еўрапейскія краіны лічылі першы тэрмін выключэннем, якое скончыцца і не патрабуе фундаментальных змен.
«Цяпер многія калегі больш ясна бачаць сітуацыю, бо пасля столькіх гадоў мы кажам: добра, нам трэба рэагаваць. Мы павінны дзейнічаць як еўрапейцы, быць больш згуртаванымі, абараняць уласныя інтарэсы. І для мяне гэта правільны кірунак».
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы27
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
Галоўнае, нарэшце сказана прама.
Ватна-скрэпны цівілізацыйны паварот ЗША. Захоп улады тупых на падтрымцы тупымі.
Калісьці я разважаў, што цівілізацыйны, культурны слой у людзях даволі тонкі, і што нават амерыканцаў можна, пры злым намеры і паслядоўнасці, разбэсціць як беларусаў у 1994-м. На жаль, атрымалася не толькі тэорыяй, адбылося ў жыцці.
Просыпаться надо было в 2008 году.