Тысячы мінчукоў і вядомыя людзі прыйшлі развітацца з Аляксандрам Ціхановічам
Сотні мінчукоў прыйшлі да Філармоніі развітацца са спеваком Аляксандрам Ціхановічам.
Грамадзянская паніхіда праходзіць з 11:00 да 14:00. Перад гэтым у царкве на Вайсковых могілках прайшло адпяванне.
Развітацца са спеваком у Філармонію прыйшлі Анатоль Ярмоленка, Ягор Хрусталёў, Сяргей Кухто, хлопцы з гурту Litesound, звычайныя людзі.
У нагах труны — агромністы вянок з чырвоных і белых ружаў з шырокай стужкай колераў дзяржаўнага сцяга і надпісам: «Ад прэзідэнта Рэспублікі Беларусь».
Чарга iшла не спыняючыся. Некаторыя людзi заставалiся пасядзець у залi — апошнi раз трохi пабыць з улюбеным артыстам. Пасля развітання труну з целам спевака выносілі пад мелодыю «Малінаўкі» і апладысменты.
Аляксандр Ціхановіч памёр 28 студзеня. Яму было 64 гады. Ён выканаўца некалькіх хітоў на беларускай і рускай мовах, сярод якіх «Завіруха» і «Малінаўка».
Каментары