Шаснаццаты тур чэмпіянату Беларусі па футболе быў прыкметны дэбютам на трэнэрскім мосьціку «Віцебску» славутага ў мінулым футбаліста Аляксандра Хацкевіча.
Шаснаццаты тур чэмпіянату Беларусі па футболе быў прыкметны дэбютам на трэнэрскім мосьціку «Віцебску» славутага ў мінулым футбаліста Аляксандра Хацкевіча. У супернікі віцяблянам трапіўся дэбютант эліты магілёўскі «Савіт». Як вынік, каманда Хацкевіча атрымала досыць упэўненую перамогу зь лікам 2:0.
З такім самым лікам выйгралі свае матчы барысаўскі БАТЭ і менскі МТЗ-РІПА ў ждановіцкай «Дарыды» і берасьцейскага «Дынама» адпаведна. Менавіта пераможцы гэтых параў і працягваюць займаць дзьве першыя пазыцыі ў турнірнай табліцы.
Астатнія матчы туру прынесьлі наступныя вынікі: «Дынама» (Менск) – «Лякаматыў» – 2:1, «Нёман» – «Смаргонь» – 0:0, «Тарпэда» – «Шахцёр» – 1:3, «Дняпро» – «Нафтан» – 1:1, «Гомель» – «Граніт» – 2:4.
Турнірная табліца цяпер мае наступны выгляд: БАТЭ – 40 пунктаў, МТЗ-РІПА – 35, «Дынама» (Менск) – 30, «Віцебск» – 28, «Шахцёр» – 26, «Нафтан» – 25, «Дняпро» – па 24, «Дынама» (Берасьце) – 22, «Граніт» – 21, «Тарпэда» – 18, «Смаргонь» – 17 «Гомель», «Нёман» – па 16, «Савіт» – 13, «Лякаматыў» – 11, «Дарыда» – 7.
Найлепшым бамбардзірам зьяўляецца Арцём Канцавы (МТЗ-РІПА) – 12 галоў.
Першая вясна на волі. Ніна і Уладзімір Лабковічы расказалі пра сваю гісторыю кахання і жыццё пасля турмы5
Каментары