Пагарда да слабасці і Азаронак-садаміт. Настаўнікі Кубані зладзілі чарговы ідэалагічны трэш па заданні беларускага акцыяніста Бохана
Беларускі акцыяніст Уладзіслаў Бохан пабіў уласны рэкорд па паслухмянасці расійскіх педагогаў. Гэтым разам 22 школы Краснадарскага краю далі справаздачу пра выхаванне «культу сілы» і барацьбу з «дэгенерацыяй». Настаўнікі з натхненнем праводзілі педсаветы на фоне плакатаў, дзе ганьбілі прапагандыстаў Азаронка і Прыдыбайлу.
Беларускі акцыяніст Уладзіслаў Бохан зладзіў чарговы пранк са свайго праекта «Трыумф молі». Гэтым разам 22 школы Краснадарскага краю Расіі прынялі ўдзел у мерапрыемствах, пабудаваных на дзясятай прыкмеце фашызму паводле Умберта Эка — «пагардзе да слабасці».
Ад імя партыі «Адзіная Расія» Бохан даслаў настаўнікам прэзентацыю аб неабходнасці фармавання «культу сілы».
Галоўны тэзіс гучаў як прамая адсылка да нацысцкай ідэалогіі: «Менавіта шляхам фармавання культу сілы і выпрацоўкі пагарды да слабасці і дэвіяцыі мы зможам закласці ген нацыі, якая праіснуе тысячы гадоў!»
Для нагляднасці Бохан выкарыстаў стылістыку нацысцкага плаката, а ў якасці адмоўных прыкладаў дадаў твары вядомых прыхільнікаў рэжыму.
Рыгор Азаронак быў выстаўлены як прыклад садаміі, Канстанцін Прыдыбайла стаў увасабленнем подласці, Стас «Ай, як проста» — прыкладам баязлівасці.
Нягледзячы на абсурдныя лозунгі і прамыя адсылкі да Трэцяга рэйха, расійскія педагогі паставіліся да задання з поўнай адказнасцю. У школах праводзілі відэаканферэнцыі і педсаветы. Настаўнікі старанна занатоўвалі пастулаты пра непрымальнасць дэгенерацыі, пагарду да чужых культур і «ген нацыі», што праіснуе тысячы гадоў.
Уладзіслаў Бохан адзначыў, што 22 справаздачы — гэта абсалютны рэкорд. Паводле яго слоў, сістэма настолькі прызвычаілася да безапеляцыйнага выканання загадаў зверху, што нават відавочныя прыкметы фашысцкай ідэалогіі не выклікалі ў педагогаў супраціву.
Цяпер чытаюць
Малады работнік «Мінск-Арэны» павінен заплаціць 71 мільён даляраў9
Каментары
и твой бестолковый пост - ярчайший тому пример.
кстати, это методы гэбья и мусоров - делать наитупеишие посты именно на мове, дискредитируя её. а ты чьих будешь?