Прадзюсары Віктар Лабковіч, Андрэй Курэйчык і Сяргей Якубоўскі абвясцілі пра пачатак кастынгу ў новы праект — беларускі моладзевы хорар «Вампіры» [арыгінальная назва — «Упырі»]. Творчая група шукае маладых, цікавых галоўных герояў, якія змогуць ярка і нечакана згуляць у жанры хорару.
Вытворчасцю зоймецца кінакампанія «Наша кіно», якая аб'яднала сілы трох незалежных айчынных прадзюсараў.
— Паасобку тут не выжыць, і мы вырашылі аб'яднаць свае напрацоўкі і тэхнічныя магчымасці, каб прапанаваць праекты, якія будуць цікавыя і мясцоваму пракату, і міжнароднаму. Так нарадзілася кампанія «Наша кіно», — распавёў Андрэй Курэйчык.
«Упырі» — рабочая назва для першага праекта каманды «Наша кіно». Рэжысёрам стане кліпмейкер і рэжысёр Макс Сіры (кліпы для гуртоў «J-Морс», «Без Білета»), аператарамі — Аляксандр Алейнікаў («Душы мёртвыя») і Арцём Якімаў («Вышэй за неба»).
Над сцэнаром працавалі Сяргей Якубоўскі, Андрэй Курэйчык і Максім Сіры.
Паводле сюжэта, міжнародная моладзевая кампанія трапляе ў лясную глыбінку на таемнае возера і сутыкаецца там з містычным жахам, які адзін раз на год спараджаецца ў Купальскую ноч.
— Ідэя ўзнікла ў мяне на аснове такой з'явы, як «беларускія Мальдывы» — я кажу пра салігорскія крэйдавыя кар'еры, — распавядае прадзюсар праекту Сяргей Якубоўскі. — Вакол іх ходзіць столькі небыліц і гісторый, што захацелася заснаваць на гэтым сюжэт.
Здымкі моладзевага хорару плануецца скончыць у чэрвені, а міжнародны і рэспубліканскі рэліз зрабіць восенню 2017 года.
Фільм знаходзяцца на стадыі пошуку фінансавання. Курэйчык адзначае, што бюджэт праекта павінен ўкласціся плюс-мінус у 50 тысяч еўра. Гэта можа быць інвеставанне, product placement, але ні ў якім разе не дзяржаўныя грошы.
— Я лічу, што Міністэрства культуры мае накіроўваць дзяржаўныя грошы на праекты, звязаныя з культурай. Мы ж збіраемся рабіць камерцыйнае кіно — яно мае само сябе акупляць без дапамогі дзяржавы. Іншая справа, што дзяржструктуры не павінны перашкаджаць.
-
«Скончыце ўжо гэту бойню». Рэжысёр Звягінцаў атрымаў Гран-пры Канскага фестывалю і звярнуўся са сцэны да Пуціна
-
«Спачатку жанчыны»: у гэтым фільме жанчыны кіруюць светам, а мужчыны вучацца быць спакуслівымі, каб зрабіць кар’еру
-
«Мінатаўр» Андрэя Звягінцава — антываенная драма, якую стоячы віталі ў Канах
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч16
Каментары