Лізавета Пяскова — дачка Дзмітрыя Пяскова, прэс-сакратара прэзідэнта Расіі Уладзіміра Пуціна. У апошнія тыдні Пяскова напісала некалькі рэзанансных пастоў, а таксама дала інтэрв'ю, якія разляцеліся на цытаты. Прапануем самыя вострыя думкі.
Я даўно жыву ў Парыжы. Раней гэта быў светлы бяспечны горад, а цяпер вакол мігранты падмануць спрабуюць. Я ні ў якім разе не расіст, але згодная з Трампам — Парыж ужо не Парыж.
У Парыжы зручней, там значна больш паспяваеш, чым у Маскве. Клімат добры. Я чалавек свету, касмапаліт. Мне смешна, калі кажуць, што я павінна жыць у Расіі. Я ні адзін горад не лічу родным. Жартам у сям'і мы называем адзін аднаго качэўнікамі.
У Расіі добра, але выдатна жывецца толькі багатым. Гэта абсурд, што мільёны людзей нашай багатай краіны вымушаныя «выжываць». Еўропа больш прыстасаваная для жыцця простых людзей. У нашай сям'і ніколі ў жыцці не адчувалі зайздрасці і злосці да больш паспяховых або багатых, чым мы. Памятаю часы, калі мама з татам па начах з'язджалі бамбіць, таму што грошай не было.
З татам мы палітыку не абмяркоўваем, але ў нас розныя погляды. Я лічу, што ў Расіі трэба мяняць сістэму адукацыі. Усе павінны вучыць мовы: у рускіх людзях закладзена генетычная схільнасць да засваення замежных моў. Упэўненая, у Расіі, найбагацейшай краіне, мае мары аб адукацыі калі-небудзь стануць явай.
Цяпер чытаюць
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам8
Каментары